تغريدات

كل ما اتفقنا نلتقي بالمدينه=قال اصبري يا بنت عندي مزاين
وانا غلبني الشوق واقول وينه=أثره نسى وعدي وممشاه زاين
الى متى وانا امنياتي سجينه=ومزاينه صارت لحبي طباين
ليته تركني بِر في والدينه =والا عن أحدود الوطن ذب خاين
والله لا زغرد له واقبّل جبينه=وابني له بصدري قصور ومداين
لكنّ عذره يا ( تهاني ) حنينه=للبر وأيام القنص والمزاين
الصدى- تهاني بن جريس
أناأشهد إنها يالأميره غبينه =خوفي لعذره عذر ماهوب باين
في ذمتي لو الهوى دق عينه=ما ينشغل عن شم ورد الجناين
لا كن مالك غير شورة فطينه=إخذي وكاد العلم من هالخزاين
قيسي غرامه يوم قد لك طبينه=واستنتجي لو هو على العدل صاين
أو لك سواة اللي يدلل ضنينه=لا صار بعده ما هو بنوب هاين
وإن كان زود بلّة الحب طينه=وش لك يا( توّاجه) على هيك كاين
وأسألك بالله عاد لا ترتجينه=لا قال بكره قولي الحظ شاين
الله على حب المزاين يعينه=والله على تعويضك بكفو عاين