خواطر من فوق السحاب

على فكرة فى ناس من كتر كرههم لحماس كرهوا فلسطين باللى فيها باللى يتشددلها !! يا سلام ؟؟! يعنى احنا بنقيس تعاطفنا مع الشعوب وتعاملتنا مع البشر على حسب مين بيحكمهم ؟؟ !! ده احنا على كده بقى كان حلال فينا الدبح ف السنة اللى حكمنا فيها مرسى !! لا بجد انت ليه مصدق ان كل الفلسطينيين بيمجدوا حماس ؟؟ و ان كل الفلسطينيين نفسهم ياخدوا سينا ؟؟ وان كل الفلسطينيين عاملين مؤامرة علينا ؟؟و ان كل الفلسطينيين بيكرهونا وبيشتمونا ؟؟ ليه مايكنش اكترهم شايل طين فوق دماغه من حكامه وساكت ؟؟ ليه مايكونوش مش عارفين يعملوا اللى انت عملته عشان قله العدة والعدد ؟؟!! ليه بقينا احنا والزمن والستين سنة احتلال عليهم !؟؟! اه و متنساش تسألنى يعنى انتى عايزة الجيش يدخل حرب ...عشان اعرف على طول انك مفهمتش ولا كلمة م اللى كتبته !! و بالمناسبة جنودنا اللى ماتوا صايمين واللى استشهدوا ف الطيارات واللى دم كتير منهم ف رقبة حماس المفروض يحننو قلوبنا ع اللى قايمين نايمين ف الظلم ده وتحت حكم ناس زى دول ..بس واضح ان قلبنا مات وعيونا اخدت ع الدم !! خسارة.
***
هما بس لو يكتبوا على تتر مسلسل سراى عابدين هذا المسلسل من وحى خيال طائر الرخ ولا علاقة للاحداث بالواقع ولا التاريخ ولا الجغرافيا هنرتاح كلنا
***
لقد كبرنا يا امى وبطلنا ناكل الكنافة ام كريمة الطبيعية اللى بتدخل الفرن دى واصبحنا نأكل كنافة بالمانجة محشوة نيوتيلا تتخللها شرائح بسكويت الشمعدان الاحمر و قطع الموز مع رقائق التشيز كيك ذو نكهه الكاراميل وتعلوها فتافيت الجيلى كولا و ال ام ان امز و الجى بى اس وناقصلها بطارية و تقلب اى فون !!!!!!!!!! انا عايزة كنافة امى
اعلامية بالتلفزيون المصري