الكلاب البوليسية تفشل بالعثور على فقيد عنيزة والأمال تتواصل بعد شهرين من فقدانه..!! (يوجد صور خاصة)

بالرغم من التفاؤل العريض بشأن العثور على فقيد عنيزة أحمد الرعوجي الغارق بوادي الرمة منذ نحو شهرين خاصة بعد الأنباء التي أكدت أن الكلاب البوليسية قد عثرت على مكان غرق الفقيد جاءت الأخبار الغير سارة لتكشف عدم وجود جثة الفقيد في الموقع الذي دلت عليه الكلاب البوليسية مما يزيد الأمر تعقيدا ..
وكانت صحيفة (عاجل ) قد زارت موقع البحث والذي يتواجد فيه افراد الدفاع المدني ورصدت الجهود الجبارة التي يقوم بها جهاز الدفاع المدني من أجل العثور على فقيد عنيزة حيث تم سحب المياه في المكان الذي تم الاشتباه به وتم الحفر لكن دون نتيجة تذكر..
وبالرغم من طول مدة البحث فإن الأمال لازالت قائمة بحول الله وقوته ثم دعاء المسلمين بالعثور على الفقيد الذي كان مثالا للرجل المسلم الملتزم صاحب السمعة الطيبة والذكر الحسن ..
جدير بالذكر أن الدفاع المدني استخدم كلابا بوليسية متخصصة سبق وأن نجحت في الكشف عن غريق العمارية قبل فترة ..
كلاب؟؟
وتتبع الجمارك يعني وش عرفها بالجثث .. اكيد انهامدربه على امور ثانية والله اعلم
يعني المجهودات اللي قاعدين يسوونها واضحه ماشاءالله والله يكون في عونهم بس مافي طريقه غير هذي
اعتقد لو يستعينون بقصاصين الأثر أو ماشابه راح يطلعون بنتيجه ان شاءالله
أخيراً الله يرده لأهله بأي حاله يارب
تحياتي للجمارك والقائمين عليها
كل يوم تثبت الجمارك دورها انها
الدرع الاول للوطن ؟؟؟
الله يكون بعونهم ماقصر والله يرحم الرعوجي رحمة واسعه...
اخوي خذ العلم اعتقد ان قصاصي او متتبعي الاثر لاحاجة لهم لان الموضوع او الغريق
بوادي فااين الاثر اللذي تحب ان يتتبعوووه؟!!!!
الله يكون بعونكم
اتوقع انه وصل الركيه من سرعة المياه .!
الله يكون بعونكم أن شاءالله وتحصلون المرحوم ؟
الغريب أن الدفاع المدني بحث عن الفقيدب كل المواقع اللي بالوادي ولا بحث بآخر الوادي
توقع أي شي من سرعة جريانه ( الشعيب )
الله يكون بعون اهل الفقيد ويصبرهم ويرحمه برحمته والغريق شهيد و ان شاءالله يكون بأنهار الجنه اللهم آمين ....
ما ضيعهم الا قصاصين الاثر حيقنك
الله يرده لأهله عاجلأ غير أجل
السلام عليكم
بانسبه للاخ صاحب التعليق ( يدورون قصاص اثر )
مع احترامي الشديد لجميع القراء
لكن يبدولي انك ماعندك سالفه
(؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟)
أقول الله يجزا أخواننا في الدفاع المدني والبلدية ويجعل ما قامو به في ميزان حسناتهم الحقيقة فعل لا ينكره إلا جاحد فالجهود جبارة والاستنفار في أوجه .. وفقهم الله وسدد خطاهم صغيرهم وكبيرهم وأعانهم الله على ما يقومون به .. نرجو من وزير الداخلية عدم تجاهل هذا الأمر ومكافأة الإخوان جميعاً على جهودهم المتميزة والتي حقاً يستحقون التكريم بكل قوة .... فهل يتحقق ذلك يا سمو الأمير ؟؟؟؟
وشو .قصصين الاثر ووقفوا عند التقطه اللي ما قدرو يجيبونها والكلاب البلوسيه وشلون تجيبونها وهي ما فيه ريحه تدلهم عليه ووين سار واللي اعرف ان الكلب او اي حيوان مفترس اذا لحق بك في البر فما عليك الا تقطع اثرك باقرب وادي فيه مويه عندك وان كان ما عندك فما عليك الا ان تقوله وقف لحظه وتنزل اهدومك وتنسدح وتستعد لاكلك اجل وشلون يقصون الاثر بالكلاب انا اقول ياخوي الخوف ان الوادي اجرفه لحد الديار البعيدة او القريبه ورماه الوادي فيها وعرمشته احد الحيوانات المفترسه وانا مادري ليه يدورون في ذى المكان بالذات ؟؟؟
طيب ياناس الشيخ العبيكان احل الفزعه بالجن بالجن بالجنننن طبعا المسلمين منهم يا دفاع يامدني وش رايكم فيها بدال التعب والبحث بالبرد والجميد والله يوفقكم!!!!!!!!!!!!
كمن يبحث عن إبره في كومة قش ؟!!!
ارى والله أعلم أن يصلى عليه صلاة الغائب ويكف البحث عنه
خاصة إن كان الرعوجي دخل الوادي على مرأى الناس ويوجد شهود
,,,
انا مع ام اياد وبكل قوه
(طيب ياناس الشيخ العبيكان احل الفزعه بالجن بالجن بالجنننن طبعا المسلمين منهم يا دفاع يامدني وش رايكم فيها بدال التعب والبحث بالبرد والجميد والله يوفقكم!!!!!!!!!!!!)
وهذا ماكنت اعنيه في تعليقي الأول والمحت له ولكن بطريقه غير مباشره لسبب..
بس يبدو انه في ناس هنا لاتجيد قراءة مابين السطور
او بالأحرى من جنبها
ما اقصد أحد ..
وليعذرني الساده
الله يرحمه ويغفر له
خارج النص وين صور الكلاب البوليسية ؟ ألف تفسير في راسي
الله يجزاهم الخير
ندعو الله عز وجل تيسير العثور عليه
ياخذ العلم هذا العلم جاك !!!؟؟؟
بعض الناس ما يفهم بالتلميح ولا بأعنيك ياجاره !
ما يفهم الا على بلاطه او سراميك اواو او او ؟؟؟؟؟؟؟؟؟؟؟؟؟؟؟
ما اقول الا الله يصبر اهله؟؟
وردد
ياليل ما طولك-
يا ليل مالك صباح او نهايه
نسأل الله لهم الاجر على جهودهم
؟؟؟؟؟؟؟؟؟؟
سويت رد ولكن ما نزل ؟؟؟
رقم الكود 526513
من الممكن يكون جرفه الوادي لانه لوكان في سيارته او سقط منها وهو ميت كان اندفن مكانه مع سيارته . ولكن من المحتمل والاكيد انه رمى بنفسه خارج السياره لينجو ويحاول السباحه ولكن قوة الوادي وجريانه تغلبت عليه واغرقته . وفي هذه الحال لن يندفن تحت الطين او التراب لأن الغريق بعد ما يتوفى فان جثته تطفح فوق الماء , وبالتأيد سيجرفه الوادي كما يجرف جذوع النخل وباقي الاشجار تكون عائمة فوق سطح الماء .
وبالتأكيد بعد قدرة الله سيرمي به الوادي على جنباته او في احد زوايه الجانبيه التي يحير بها الماء او من الممكن يكون علق باحد الاشجار او الصخور الكبيره او في اسفل أعمدة ابراج الضغط العالي للكهرباء...
أسأل الله ان يلهمهم الطريفدق الصواب في البحث عنه
المعذره اخوتي اسف على الاطاله(؟)