توفي مواطن في العقد السابع من العمر تقريبا فيما أصيب شاب على امتداد طريق الملك فيصل بإتجاه الغرب مقابل إمارة المريدسية غرب مدينة بريدة وفي تفاصيل الحادث أنه بعد تجاوز صاحب الفورد طريق الملك فيصل بإتجاه الغرب ليتفاجىء بصاحب الهايلكس يقود سيارته بسرعة جنونية ليرتطم بصاحب الفورد ونتج عن الحادث وفاة قائد الفورد بموقع الحادث وإصابة صاحب الهايلكس .... باشر الحادث المرور فيما نقل المصاب عبر إسعاف الهلال الاحمر والجثة عبر مندوب الامانة .... الجدير بالذكر أن هذا التقاطع يعتبر مصيدة لعابر هذا الطريق حيث شهد العديد الحوادث المميتة لوجود منحنى في الطريق الممتد لمدخل مركز المريدسية الرئيس . الله يرحمه ويشفي المصاب .... الجدير بالذكر أن هذا التقاطع يعتبر مصيدة لعابر هذا الطريق حيث شهد العديد الحوادث المميتة لوجود منحنى في الطريق الممتد لمدخل مركز المريدسية الرئيس . ليس بالتقاطع مشكلة لكن المشكلة بالقنابل الغبية الموجهة علينا وهم اصحاب الهايلكس المجانين..الله يهديهم اللهم ارحم المتوفي واسكنة جنات النعيم وبدلة دارا خير من دارة واهلا خير من اهلة .واشفي المصابين واسبغ عليهم لباس الصحة والعافية.. اللي يبي يوصل له الكاتب اغلاق التقاطع والسلام الله يكيفينا والممسلمين شر أصحاب الهيلكسات المستهترين بأرواح الناس فقد كثر تجاوزاتهم ومخالفاتهم ويجب وضع حدا لذلك مع اولياء امورهم . راعين الهايلكسات اكثرهم غشيم ,,وخبل,ولا يفكر ,,,الا بالبقرة اللي هي الهايلكس الونيت القبيح ............ ومايدري انه يقتل نفس بغير حق ............... لآ حول ولآ قوة إلا بالله حنا ما بلانا الا هالأطفال الجهله الغير واعين بأنفسهم وبغيرهم وخصوصا أصحاب البيك أب حقات التحميل ( الهايلكس وغيرها ) سرعة جنونية بكل الأحوال حتى لو يبي يروح للبقالة يدوس بالدعاسه ؟ والمشكلة أنها سيارات تستخجم لتحميل البضائع والمواشي ومحلات النجارة والتبريد والتكييف وأخواننا الأحبة يلمعونه وينصبونها مبسوطين فيها ياناس الي متي اكثر حوادثنا من السرعة الجنونيه وخصوصامن اصحاب الهلوكسات المجانين واخيرا الله يرحم موتانا ويهدي شبابنا السلام عليكم ورحمة الله وبركاته الله يرحم الفقيد برحمته ويغفر له ويجعل الجنان مثواه ويشفي الشاب لكن بودي من الشرطه او البلديه وا الجهه المسوؤله عن التقاطعات ان تغلق هذا التقاطعات للخطورتها واذا قع حادثه فيه اما موت او صابات خطره ولاننسي مفرق حويلان تقبولووو مروري الله يغفر للمتوفى ويصبر أهله ويشفي المريض سبحان الله 90 بالمية من الحوادث اللي ببريده تلقى وراها هايلكس مدري ليش التقاظع الواقع امام مركز امارة المريدسية يشكل خظر كبير وفد حصل في المو قع عدد كبير من الحوادث والمرور للاسف لم يحرك ساكن الى متى الوفيات مستمرة اين قسم السلامة فى المرور انا لله وانا اليه راجعون اللهم اغفرله واشفي المصاب ولاحول ولاقوة الا بالله والله ياجماعة الخير السرعه خطر لاتلوموني يوم احب نظام ساهر الله يرحمه دام احنا بالقصيم والله لتخرب كل شي قسم بالله القصيم مافيها امان وربي تعالوا بشارع النهضه شوفوا شنو يصير الامن بدون اي هيبه تدرون ليش الواسطه ومنو من الاماره والله يمسك اليوم تفحيط بكره طالع يفحط وغير كذا اصحاب الهايلوكسات مسوين رعب ببريده انا بقولكم كلمه وان ماصار اللي ببالي انا مو ولد ابوي . كيف يرجع الامن والامان بمنطقه القصيم: 1: نقل مدير المرور وياخذ مكانه اي رتبه من جيزان او المدينهالمنوره 2: مشاركه الطوارى الخاصه من 10 ليلا حتى 8 الصباح 3: تنبيه لمده ثلاث مرات وبعده اطلاق نااااار 4: دعم رجال الهئيه بالقوووه و توفير لازم لهم 5: تسليم الدوريات الامنيه مهمه المفحطين وترك المرور عند الاشارات فقط هذي اهم نقاط والله وانا احاسب على كلامي ان القصيم ضاااااااااااعت تفحيط صدم رمي كل شي بس الغريب مايطلع شي بالاعلام ليش مادري ؟ انشري ياعاجل سبحان الله اللي يشوف الحادث يتوقع انه عادي ولا يوجد فيه اصابات وحتى لو كانت فيه اصابات صاحب الفورد رحمه الله كانت الصدمه من الباب الخلفي لكن مكتوب ومقدر الأخوان بساهر أرجو تغيير أماكنكم بشكل دوري لأن الإستراتيجية الي تمشون عليها غلط مثلا : أنا أعرف مكان ساهر بأكثر من مكان لأنه مايغيرون الأماكن أبد فذلك تجد المتهورين يسرعون في بعض الأماكن الي لا يوجد فيها ساهر الخلاصة: غيرو أماكنكم عشان المتهورين يعقلون تهور بالقيادة والنتيجة موت و تيتم و ترمل اناللة وانا الية راجعون الهم ارحم الميت وجبرمصاب ذوية وشفي الحي يلزم اغلاق تقاطع الموت هذا باسرع وقت منهو المتوفي رحمه الله الله يرحم الميت ويصبر اهله ويشفي المريض حنا لو الله يفكنا من راعين الهايلوكسات كان حنا بخير يجيك بزر عمره 17 سنه مسوي فيها مضلل ومغبر ومنسم الكفرات ورافع صوت المسجل ويمشي 140 بشارع المفروض ما يتعدا فيه السرعه 60 مهايطي واخر شي مشمع في الرصيف تعبنا منهم لزم يشوفون لنا حل المرور فيهم الله يرحم المتوفي حظر إلينا مراجع وأخبرنا بلحادث لوجود مقر عملي قرب المريدسية وأول ماذكر أن الحادث على طريق الملك فيصل قلنا أكيد أمام أمارة المريدسية ... بصراحة هذه الفتحة أنهت الكثير الكثير من العوائل أتمنى من سمو الأمير فيصل بن بندر الأمر حالاً بأقفالها الله يرحمممممه ويرحمممم أموات المسلمين ويشفيٌ آلمصاب يارب.. للاسف الحقيقة ان اغلب اصحاب الهايلكسات من الشرطة والمرور شف كيف ينصبون الهايلكسات عند العثيم مول وهم موظفين بالمركز اللي بجنب المول ... الله يرحم الكتوفي ويعافي المصاب والله اني اخاف اذا شفت هايلكس في تقاطع امامي او تمشي خلفي لان اغلب ملاكها متخلفين ووراعين تلقاه يمشي بسرعه فوق 180 تقول راكب فراري وهو لو ياطا حصاة او ينعطف يمين او يسارانقلب وبريكها يغدر وتعتبر شاحنة نقل بكب والورع تلقاه شايف نفسه تقول راكب bmw وتلقاه يلمع الدفرنس اكثر من تنظيفه لجسمه قمه بالتخلف والظاهر تلميع الدفرنس له مغزي بين الشباب؟ المفروض محاسية مدير المرور والبلدية فهم الذين وضعوا التقاطعات الكثيرة والمميتة ببريدة وكثرة الاشارات.. مع ان الحل سهل جدا وهو اقفال التقاطعات وعمل يوتيرن للطرق الفرعية ولكن لاحياة لمن تنادى.. لقد زرت دبى والكويت ولم اشاهد اى تقاطع بالشوارع اما نحن فحتى بالاحياء السكنية تقاطعات اننى اناشد صحيفة عاجل ووجهاء بريدة لعمل انتفاضة على مدير المرور والبلدية لكى يغلقوا تلك التقاطعات واستبدالها بدوارات او جعل شارع سالك والاخر ينعطف ويستدير.. كفا ازهاق للارواح بسبب التخطيط السيء نستطيع ايقاف تلك الحوادث ولكن مدير المرور لايرغب بذلك.. يجب الغاء المديور اللى صار عنده الحادث وهذا المديور موجود عند امارة المريدسيه واغلب الحوادث بالموقع وفيات وانا استغرب من البلدية والمرور الا الان ما الغاء المديور ونسبة الحوادث في العالم 99.99 هي الفرود(المصريات ) اكبر كابوس إذا شاف رعي الهايلكس فورد قدامو ماله إلى يسقط من عند يميم وراء الخط الاصفر يمشي صفرين وشاري الشارع وخذا تحديد الله يرحم الميت ويعوض اهله على هذي المصيبه خلاص راحو الرجال ماتو بالحوادث او بالقهر من انقلاب مفاهيم البشر والناس ومابقي الا الحريم الان امتلت منهن الاسواق وكل مكان حتى ان الرجال المحترم يحتقر نفسه اذا اخذ اهله للسوق من المناظر المخزيه اللي يشوفها وهن بالعكس فاكرت انفسهن متطورات ماعرفن انهن زلايب ويرخصن انفسهن يوم بعد يوم الي يسب البزران الي تحت العشرين وراعين الهلوكسات ومدري ايش!!!!!!! انا قسم بالله عمري 25 واعيش مع الشباب واعرفهم هو نصف رجل يعني النصف الثاني منين يجي من الاهل ولذلك الاهل يتحملون المسؤولية والمفروض الدولة تجعل اي مصيبة يقع فيها الولد على العائلة كاملة حتى تتحرك العائلة اجتماعيا كلها ضد اي مخطئ مثلما يحدث في بعض المدن التي يقطنها فرع قبيلة مع شيخهم كل شي على راس الشيخ والشيخ يدبر الموضوع صح ويربي صح الهايلكس للاسف ماتصلح للشباب اطلاقا لو نزل سعر الربع كان هو الافضل لانه حتى لو فحط فيه وهو مايعرف راح يقلب ويروح فيخافون اكثرهم لكن الهايلوكس راسيه ولاتقلب الا قليل فماهم خايفين وللاسف فرامل الهايلوكس بجيح قوة ولايناسب سرعة وخفة الهايلوكس والمفروض الاب مايعطي ولده كائنا من كان قبل 18 مهما كان يروح يدبر نفسه ويدير عياله ليه طلعات وروحات وجيات والنتيجة الولد ينشغل مثل ابوه مايخدم اهله ثم يجيب سواق الابو الصتيمة ذا!!!! انا من طلعت على الدنيا وماعندنا سواق ولا شريت سيارة الا في ثالث ثانوي ولا احتجنا لان كلن قايم بهمته وابوي رافض يشتري ولاسرقت ولاسويت شي ومتفوق دراسيا السبب تربية ابوي صح وتربية اهلي صح السلام عليكم ورحمة الله وبركاته الله يرحم المسلمين لاكن الحين انت وياااو ياللي بليتونا يراعين الهلكسات اول شي السياره ماله دخل يعني عااد يجي بزر معه فكسار قسم بالله انني نرحم انا عن نفسي رعي نصب وكل اللي حولي كذا وماشووف الا اذا جاك شايب من 45 وطاالع مسوي نفسه ثقل ويجعفه عليك لااا ومن زوود البجااحه يطنب مع المعزبه والسياره هااجتن به بالنسبه للي يقول حقت شيل وحط على ايدك ياخيي تبي رقم ابوي تقووله يشري لي ربع بعدين يااخي ياللي تقول يلمع ويغبر ومدري ايش اللي يسوي هذولي لايمكن يفحط او يسوي اي شي وحنا ماذبحنا لاا رعين (الفرود)اللي تقل سفينه مره يمين ومره يساار واسف على الاطاله بس الصز انكم تهرجون لانكم حاطين حيلكم برعلين الهيلكساات محبكم احمد بريده الفايزيه الجدير بالذكر نتيجه التهور يتمتو عيالنا حراااام عليكم أرفقو مو لاصار مالك عيال تهورررررت أعقلو الله يخليكم التوعية التوعية التوعية إغلاق الكثير من التقاطعات سواء داخل بريدة أو خارجها أتمنى أن لا نجد مكان للرجوع إلا بعد ما لا يفل عن 3 أو 4 كم ضاعت الكثير من الارواح والاموال والاوقات بسبب كثرة التقاطعات !!! لاحول ولاقوة الا بالله الله يرحمه ليش السرعة تسببت في موت شخص عمره سبعين تلقاه عنده عيال ويمكن صغارين يعني جعلت اولادهم الصغار ايتام وزوجته ارمله وابعدته عنهم لاحول ولاقوة الا بالله انا لله وانا اليه راجعون انا لله وانا اليه راجعون انا لله وانا اليه راجعون انا لا شفت هايلكس نزلتها صحرا ادري ان السواق مراهق طاق الجنز والسياره ماهي له للباباهههههههههههه الله يرحم الموتوفى الخطا على مييين الله يرحمة ويغفرله ويشفي المصاب والله يكفينا شر الحوادث ومصايب الدنيا الله يغفر للميت ويصبر أهله ويشفي المصاب إنا لله وإنا إليه راجعون وبمناسبة الكلام عن تهور الشباب فليس العيب في نوع السيارة أو مكان التهور أو الواسطة العيب والخلل في عدم صرامة وجدية الأنظمة وأي واحد من القراء الكرام إذا كان من أهل القصيم فهو يذكر حال الشباب أيام الهباش الله يبيض وجهه إذا جاء إليه أحد يتوسط أو يسأل عن واحد بالحجز يحجزه معه ولاتمشي عنده الواسطة أيا ماكانت فياليت الهباش يرجع إذا كان ماتقاعد إلى الآن رحم الله المتوفى وشفى المصاب وأتمنى منع صغار السن والطائشين من قيادة السيارات خاصة هذه الوانيتات التي يستعملها بعض صغار السن السلاام عليكم .. الي يقول ان صاحب الهايلكس مسرع وتهور وبزران ومدري ايش للمعلومية فقط .. صاحب الهايلكس ماكان مسرع وصاحب الفورد هو الي معترض الطريق ! والخطأ على صاحب الفورد .. ياليت مايكوون فييه سسب وادعاء بالتهور وانت ماتدرري وش السالفة ومالها دخخل هايلكس وتهووور .. يكفي تخخلف ياناااس !! تحيااتي رحمة الله على المتوفي و اتم الله الصحة على المصابين .... الله ياشباب بريدة يحميكم و يهديكم خفوا شوي في قيادة السيارات أقسم بالله شباب نشمي و خدوم أزور بريدة احيانا وأقابل شباب تساله عن عنوان تبي تروح له يجاوبك.... امش انا ادلك حتى لو ماهو على طريقة ، و أفضل مدن المملكة في هندسة الطرق داخل المدينة و السائقين لديهم إحترام كبير لافضلية القيادة داخل الدوار ... لكن الطرق الواسعة في شمال وجنوب بريدة مشكلة في السرعة الله يلطف بهذا الشباب الطيب وبأهاليهم . لا حول ولا قوة الا بالله الله يرحمه يجب على المسئولين بالمرور الضرب بيد من حديد على هولاء الشباب المستهترين بارواح الابرياء حيث يلاحظ الجميع هذا الاستهتار من خلال السرعة الزائده والقيام بتظليل سيارتهم بشكل تام حتى انك لا تستطيع ان تحدد هوية السائق وقيامهم بقطع الاشارات المروية هدى الجميع لما فيه الخير ورحم الله المتوفى . ابوراكان لاتبرر ليتك مكاني وشفت الشايب وهو طايح على الارض قبل لايغطونه وشفت وشلون وجهه ماتقدر تميزه الا راعي الهيلوكس يمشي تريلووووون لكن الشرهه مب عليه الشرهه على اللي تارك التقاطع مايخاف الله عشان مايعب نفسه ويديور مع الكوبري حق الدائري والله العظيم اللي شاف الحادث بوقته يتألم سبحان الله الرجال لم يكمل دقائق الله يرحمهم برحمته ولتقاطع انا الحين عندي اكثر من حادث صار فيه حالة وفااااااة والحوادث اللي فيها اصابات بالهبل كله هذا عشان امير المريدسيه ما يروح يديور من بعيد حسبي الله عليه ناس ماتت وما قفل الخط لن تنهتي الحوادث عند سد او اقفال التقاطع طالما ان هناك اطفال يقودون سيارات (الهايلكسات) بسرعة جنونية لو انهم كلما شافوا واحد بزر معه هايلكس ومسرع نزلوه وصفقوه واعطوه درس لن ينساه اللحين كلكم حملتو الخطاء على صاحب الهايلكس وماقلتو شي عن صاحب الفرد الله يرحمه. صاحب الفورد قاطع الشارع الله يرحمه وماحاول يشوف السيارات ومن ضمنها الهالكس .. صحيح انا صاحب الهايلكس مسرع لكن الطريق من حقه و المفروض ان صاحب الفورد الله يرحمه واقف للين تجاوز صاحب الهايلكس وبعدين حنا نعاني من اصحاب الفرود تخطيم وتجاوزات وخرق لنظام ودقق فيهم وتلاحظون وشلون التخبيص يطلع منهم على العموم الله يرحم اللي مات منهم ويشفي اللي اصيب منهم لاكن في النظام المخطيئ صاحب الفووووووووووووورد انا لله وانا اليه راجعون لله، ما أخذ وله ما أعطى وكل شيء عنده بأجل مسمى، قدر الله وماشاء فعل. حسبي الله على الي يعطي البزران هايلوكسات والله انهم هبلوبي بطريق الرياض-القصيم. bnbarod ولا ماعنك ماعن جدتي ( عاملنفسك فيها ذكي ) هذا مهب لغز هذا الكاتب يبي يبعد الخطورة عن الطريق . ماقول الله يرحم المتوفي ويشفي المصابين ويهدي bnbarod الله يرحمهم الله يرحمهم المتوفي صاحب الهايلكس الله يرحمة
