تقدم مواطن ببريدة بشكوى رسمية ضد أمانة القصيم بخصوص مبنى مجاور له , وأكد المواطن ان الأمانة قامت بترخيص المبنى دون مراعاة أهالي الحي , حيث أن صاحب المبنى حصل على رخصه بناء شقق سكنية وسط حي سكني مليء بالعوائل والمواطنين الذي يتواجدون في الحي منذ 30 سنة ,وتشمل الرخصة ثلاثة أدوار إلا أن صاحب المبنى السكني ضرب بأنظمة الأمانة واللوائح عرض الحائط ليقوم ببناء الدور الرابع بدون رادع أورقيب ومخالفاً للرخصة التي حصل عليها من أمانة القصيم . الجدير بالذكر أن المبنى السكني الذي يتم إنشائه بحي الصناعة مكون من 14 شقة للآجار ومن ثلاثة طوابق على مساحة 207.65متر مربع وعلى شارع رئيسي 5.25 متر وشارع جانبي 5.75 متر وسط ذهول من المجاورين والعوائل التي تسكن الحي من فتره طويله . وأكد المواطن في حديثة لعاجل أنه تقدم بخطاب إلى صاحب السمو الملكي الأمير الدكتور منصور بن متعب وزير الشؤون البلدية والقروية لرفع الضرر عن الحي السكني مراعاة للمصلحة العامة للمواطنين . صورة المبنى السكني يتوسط الحي ويتكون من أربعة أدوار !! كل الناس ساكنين بجنب شقق .. ولا صار لهم شي .. وش معنى حضرت الهامل ما يبغى راعي عماره يبني بجنبه .. طيب ولاصار كل الساكنين بهالعماره من المتزوجين حديثا .. موهب انواع الفله من ان يجي جارك له ثلاثة الاف بزر ما غير تشوفهم يحمون بالحاره ويوذون خلق الله بعض الناس عنده لقافه غير محدوده .. أين الجانب الخلقي والوازع الديني عند هؤلاء الاشخاص الذين يعملون كل شي بالواسطه الواسطه شر لابد منه تطبق القوانين على المسكين والذ ي لاحيلة له اما الكبير والقوي فالوضع غير يسمح له ويستثنى وضعه سبحان الله اخر الزمان من علامات الساعه أسأل الله العظيم ان يهدينا وياااكم قولوا امين السلام عليكم إذا ماني واهم هذي العمارة اللي ورا محلات الزينة اللي بالخبيب واللي باني العمارة يبيها للعمالة والأجانب يعني يصير الحي أنواع الحوسة البلا والوذية للأسف المسؤل ليسى كفئ بالمسؤلية الملقاه على عاتقة تخيل تشري ارض مخططة ومعتمد المخطط من البلا والوذية واذ جيت تطلع صك يأخذون من ارضك لشارع ( خمسة متر) بس ما نقول الا الله لا يوفقه دنيا واخره والكلام هذ عني علية شهود او اي واحد تسأله بالبلا و الوذيه يعطيك العلم حسبي الله علية ليوم الدين يعني اذا ماباع عليك تروح تشكيه والله حسد خاصه ببريده انا جار للمبناء المذكور واشهد على هذا الضرر مع العلم أن صاحب المبنى مستهتر بالامانه وباهل الحي والسبب عدم وجود رادع ؟؟؟ والله الموسوس !!!! الصراحة انا اكره الموسوسين لانهم باختصار ناس مرضى نفسيين على العموم يذكرني باحد جيرانا الله يرحمه كان اذا بغى يودي بنته للمدرسة يريوس ويقدم ويريوس ويقدم لين مايصير الباب الي جنب السواق ملاصق لباب البيت المشكله انه من ذوي البشرة الغامقة !!!!!! تعليق مخالف تعليق مخالف ههههههههههههههههههههههه ابوجدته والله ضحكتني من قلب...................... استغفر الله واتوب اليه استغفر ربك واحمده على العافيه والله لايبلاك بما بلاه.. صدق الوسواس مرض خطير والمشكله ليس على الشخص المريض فقط بل على كل من يسكن معه........ عادات اغلبية سكان بريدة الحسد الحسد الحسد وهذا ليس غريب عليهم يا اخوان الرخصه تقول ثلا ث ادوار والي شايقه من الصوره انه فعلان ثلا ث ادوار وملحق وين امشكله وليش الشكاوي وعلى ديوان المظالم شكله متقاد وفاضي العمارة موقعها خلف الزينات بشارع الخبيب . وهاذا الرجل المشتكي ماذا يريد ؟ من صاحب عمارة بحي يسكنه الان عمال وعوائل وافده ونسبة السعوديين لا تتجاوز ال20 بالمئه . عموما كل هاذا حسد ومعروفين شيبان بريده بالحسد ما اقول الا الله يعينه علا نفسه هالمريض كل الاحياء بها شقق وعماير وش المشكله الحين والا علاشان الرجال عيا يبيع عليك اشتكيته والله نااااااااااااااااس احمدو ربكم يا اهل القصيم من ماعندكم عبد العزيز الحصين امين المدينهالمنوره والله ليخليكم تشوفو نجوم الظهر من الانظمه وبتزاز المواطنيين بسم انظام ابوجدته تراك طلعت عن الموضوع ورحت تستهتر بهالخلق ( موسوس ومن البشره الغامقه ) خف من ربك الكل مايرضى بكثرة الشقق حول بيته ، سلبيه من كل النواحي اذا 14 شقه وشارع 5م بالله وين تبي توقف سيارتك خلهم يعطونا منح بعدين فكر به العمارة نريد منح ياعرب الامانه هذا اهم شيء ؟؟؟؟؟؟؟؟؟؟؟ الى هالدرجه من أمن العقوبه أساء الأدب لا شوفوا البلك متعرج بانيه عمال من شارع الخبيب أنا ودي يقشعون كل أبو بيوت الصناعة والخبيب ويعيدون بناءه \"على حساب الدولة أو بمساعدته\" متهدمات ومتهالكات وشكلهن يفشل من بغى يتطور بس عاد دهانها العجوز عجوز لو تكحلت وأنا لو شفت أي عمارة جديدة بهذيك المناطق أستبشر خير يالله عسى كل المباني تطور وتبنى وتصير مكان يواجه ويفتح النفس وشوارعه وسيعة وتخطيطه مضبوط موب زي العجيبة وطقته لاحد يزعل واتمنى بعد يشاف بوضع عماير الراجحي والله حسافة مشروع ضخم جدا ويوقفونه لأسباب مجهولة مع انه يطل على بيتنا بشكل كااامل بس ودي يكتمل وينفع بريدة وأهلها بشره والله بعشر سنين في ديوان المظالم الله المستعان يبيع بيته ويشتري بيت في مكان ثاني ياخوي هالموضوع ماخلص الى الان؟؟؟ هالجار اشتكى المالك على البلدية يوم البلدية طبقت النظام بالمساواة بالمجاورين راح الرجال لديوان المظالم والله فاضي ومريض نفسي!!!! يقولون الاولين المستاذي يرحل؟؟؟؟؟؟؟ معقولة اذا الواحد يبي النظام يطبق يصير حسووود ؟؟!!!!! يعني حي سكني وشعبي وشوارعه صغير وعامر لي عمارة مخالفة للرخصه .. وتبون الرجال يسكت ولا راح يصير حسوود اذا راح يطالب بحقه وراحته !! بعدين اللي يقول ياخي اطلع من الحي لان الحي عماله ومن هالكلام اقول له ياخي احمد ربك ان ابوك قادر انه يسكنك بحي ارقى ولا فيه عمالة الا سواااقينكم الرجال معه حق بمطالبته وخاصتا اذا الرخصه فعلا ثلاث ادوار لان الصوورة تبين انه دور ارضي وفووقه ثلاث ادوار يعني اربع طوابق الله يعينهم وعقبال مايعمر شقق بجنب كل من يشوف انه عادي ان الواحد يسكن بجنب شقق ولا جرب تتدوير الموااقف المفروض يسمحون بدور ثالث ورابع اذا الاساسات تتحمل الان الارض غاليه وبعدين انتهت جلسة الحوشه دايم سموم وعجاج والجو حر اذا فيه نوافذ على الجارين تغطى بشينكو وانتهينا الله يكفيتا شر الحسد اين حق الجوار صحيح ديرة فسد ولا ديرة حسد الشكوى غير صحيحه وهذا واحد نفسيه وفضي وعلى فكرة العمارة بشارع الصناعة أمام مركز أريج والعمارة سليمة حسب الترخيص ثم تاخذ حكم وتقعد في هيئة التمييز كم سنه يكون الرجال بنى وسكن واجر 0 والله هيئة التمييز عندها تمييز ماهو بسيط 0 حتى الهواتف الموضوعة للمراجعين ما يردون عليها وكذابين بعد 00والله على مااقول شهيد 0 والله الغبي اللحين انت باني عماره جديده وتسليم المجاري خارجي صدق ان الي بانين العماره عمال من ابو 30 ريال اليوم عندما تكون الأمانة والبلدية بلا ضمير وتعطي التراخيص المخالفة بالواسطة, ولا يستطيع المواطن أن يأخذ حقه, لأن الفساد المستشري يمنعه ذلك ! وعندما يكون عيباً أن تشتكي من يؤذي ! وأن تناضل لأجل حقك !! فأنت هنا في هذا المجتمع البالي !! **** بالنسبة لصاحب العمارة التي تتكون من 14 شقة في شوارع ضيقة و مبنية في حي قديم, حيث قام بإضرار كبير للجار المشتكي(كما وصف بالخبر), ولا ريب فعندما يكون معارفك هم موظفون في البلدية فانت ستنال ما لك وما عليك !! فقد قام صاحب هذه العمارة بأخطاء لا نهاية لها هدم ل(البلاط) المتاخم لعمارته (الجديدة) كما قام بإتلاف مكيفت الغرف المطلة على عمارته وقام بهدم غير قانون لجدار جاره بشكل مخالف لكل القوانين !! والآن يأتي ويقول أنه يجب على أهل الحي تقبل 14 عائلة جديدة في حي قديم وشوارع ضيقة ويهاجم معارضيه ويتهمهم بالجنون والمرض النفسي !! **** أين المهندسين في البلدية من دراسة المشروع من الترخيص له, أم هم ليس بمهندسين؟ أم أن هناك رشاوي تطيب خاطرهم؟ أين الضمير يا أمانة؟ ويا وطن؟ الرجاء الإظهار للأهمية . الشكوى لله راحو فطالحة الحاره ولا لو انهم بوه كان وروه الشغل / اي ياي الله يلعن كل متملق وحسود ويشغله في نفسه اعوذ باالله من الحسد ياخي سافر وتعلم وشوف الناس كيف عايشه بدون حسد ياخي أشغلت الناس الله يهديك ويشفيك مما انت فيه من حسد وغل وحقد لاحول ولاقوة الاباالله ياحبكم للقافه يهل بريده ولا وش دخلك فيه يبني عماره ثلاث ادوار ولا يبني ناطحت سحاب مادام انها عوائل ماعتقد ان لك حق تتدخل فيها ومافيه نظام يقول عوائل سعوديين او اجانب خلو عنكم الحسد والقافه ولا يمكن منقهر صاحب الشكوا ان ماعنده وسطه
