محاديب الجزاله ثوبها لاشاشت تقرّه

انا لاوْحِيت من قوله كما نقشً بخد حيود
بعد ماقول صح الله لسانه ربي يدرّه
يجي بين الفكر والهجس ياحاوي ويامردود
ومحاديب الجزاله ثوبها لاشاشت تقرّه
يقولون العرب ماكل من يغزي يضوّي فود
ولا من داج قانص يعرف الصيده من الجرّه
توافيق ووهايب من عظيمً واحدً معبود
محد ياخذ بيده لوبغاله لوكبر ذرّه
ومدام انك معافا لاتحسب نقصها والزود
تراها فانيه والستر ثوبه لاضفى زرّه
اسع واتعب قدم رجلك وتبلغ غاية المقصود
ورجاك بواحدً بابه عن الراجين ماصرّه
وعلى مامرني بأيامها من بيضها والسود
مافيه العن من اللي يجحد اللي بالزمن برّه
عسى ماطاف من درسً جرحنا مانبيه يعود
يضيق الصدر مير الكون واسع بحره وبرّه
عجايب ياعسى اللّه مايقربنا من المنقود
يموت الرجل منّا قافلً صدرة على سرّه
ومن باع الكرامة في زمانه ماعنه منشود
يموت بذّل ماله لاقبول ولابرد حرّه
ترا طبع الليالي ماتدوم النا سهود مهود
لواعطتنا الامان تبوقنا وتعاود الكرّه
عسى غر السحاب اللي شلع برقه ودنّ رعود
يهل ثعول ماشاله من العارض إلى الحرّه
نواف بن عميره