معقول كل هذا بدا يطلع الحين الأقنعه طاحت عن وجيه الأصحاب ياوقت كافي ما أبيلك براهين عشت الحقيقه ما أبي شرح وأسباب أثر المظاهر غش... للقلب والعين أشباح لكن فوقها لبس وثياب يالأقنعه... وش صار حتى تطيحين ليتك بقيتي عالأقل عند الأجناب الأقنعه طاحت... وباقي عناوين وأسماء أحفظها... لها ضوّ كذاب بالله قلي يازمن كيف أو وين؟ يطلع بوجهك يالوفا للوفي ناب لا يازمن وش عاد باقي لبعدين دام البدايه كذب بدموع الأهداب وماني بمستغرب لو طلع “وجهك” الحين الأقنعه طاحت عن وجيه الأصحاب نازف