دقت اطبول الحرايب ورفرف يا علم وانت في مقدم صفوف الجيوش المسلمه راية التوحيد تبقا على روس القمم في ذرى الله ثم ذرى اللي عسا ما نعدمه سيدي سلمان صدر لأوامر واحتزم وشب عالحوثي من الجو نارٍ مضرمه ويا وزير ادفاعنا .. حن معك وابشر وسم العدو نكسر عيونه .. ونسلب محزمه يا محمد وانت سيفٍ شطيرٍ ما انثلم حن معك واللي يعادي وطنا نكعمه كل منا جاهزٍ لك .. ونخدم وانخدم وكل منا ودع اهله وخلا محرمه لا دعانا داعي الحرب .. قوينا العزم كل حوثي غاربه ينقطع منه إنسمه عشت يالجيش يالسعودي ويا رجال الهمم دكو اوكار العدو لين تمسي مظلمه لا اقلع الطيار بين الصمايل والدحم شاش راسه لين ينسا حروف الترجمه يضرب ابكف الشجاعه ويجعلهم عدم ما يهمه صوت تحذير .. ربط الاحزمه في السما .. نيران .. والقاع للحوثي لُغم جاه موته فوق راسه .، ومن تحت اقدمه لين يعرف .. حن هل الدين وارجال الشيم كل منا حب داره مشا داخل دِمه والله ان حن دون طيبه ودونك يالحرم ودون دارٍ خصها ابدين ومكرمه ارتكا للحمل من قاد عاصفة الحزم اتكل بالله .. وحن فالليالي محزمه جعل يسلم راس سلمان يوم انه زهم ووحد اصفوف العرب والجيوش المسلمه
