مرحبا بالصاحب اللي صحبته لابد منها مر تحكمها الحدود و مر تحكمها الطواري بعد هاذي كل كلمه قالها منشود عنها لين يثبتها حسب ما قال مسلم و البخاري راشد السحيمي البقا بالصاحب اللي صحبته دافع ثمنها كل ما قالوا صديقي ينتظرني جيت ساري يا محمد لا تبالش روس حرب و تمتحنها الكلام اللي وصلك أصله بطوعي واختياري محمد السناني صاحبك عرّج على صورتك يومين و دفنها والعرب تدرى عن الأسباب و أنت منت داري يمكن الدنيا تحرك شامها وأزعج يمنها الكلام اللي صدر بالطيب و الا بالجباري راشد السحيمي ذاك ماهو صاحبي من صرها يشرب لبنها ما يخوفنا منه غير الهجوم الانتحاري كل شي يجوز ما دام الفتن هذا زمنها خل ما بينك و بين أجنوبنا عازل حراري محمد السناني كل حبه قالوا العقال ترجع لمخزنها لا تعذر وأنت ظاهر لك على الخطة مواري أنت ما يمديك في واحد شهر تآمر و تنهى لا تعرض للسيوف ولا تعرض للشباري راشد السحيمي العبارة واضحة واللي عرف نفسه وزنها والمجنن تكتب اسماها بصبات الكباري العلوم الأوله الحين ضيعنا لحنها واعتذرت لعالمٍ ما يستحقون اعتذاري محمد السناني قافلة فاتتك والاخرى تبا تلحق ضعنها مير مدري تلحقه فالليل والا فالنهاري تعتذر والناس ما يمكن تفرط في وطنها أنتظر يومين حتى يصدر الأمر الوزاري راشد السحيمي أشكر النعمة وقدر من يقدم لك صحنها كان أهل جدة حمام أكيد أهل مكة قماري السناني صاحبي لا شاف له قبة زبنها مير أنا ماني على اللي يفسد الأخلاق ضاري محمد السناني نحمد الله كل مجموعة تمارى بمعدنها مشكلتنا من حرم طيبه يجيبون الجواري مهنة تفرض عليك ومهنة ما تمتهنها المهم انك على خطة مهندس واستشاري راشد السحيمي الجواري مسجد العباس يقدر يحتضنها انت ما تعرف تفرق بين الأسمر والخضاري لا تصير أذنك بطاقة كل من جاها شحنها الرجال إلها مواري و الخبول إلها مواري محمد السناني طالما أنك لا معقلها ولا موثق رسنها لا تغارب لو تعشاها الذيابة والضواري لا تسير بنيتين اللي يعاملها لعنها اختلط فالمجتمع وادخل مع العصر الحضاري راشد السحيمي إن رزقنا الله بسية مستعد أعطيك منها ودي انك تورح البارود ياريم البراري.
