من محاورات شعراء القلطة او المحاورة كما يطلق عليها، هذه محاورة تقابل خلالها الشاعران: عبداللطيف بن زيد البقيلي وشاعر المحاورة المعروف محمد بن متروك السناني.. ندعوكم لمشاركتنا قراءة ما جاء فيها: البقيلي: في محل اهل الكرم واهل الشجاعة والحمية=مرحبا بضيوفنا اللي شرفوا من كل ديرة السناني مع رجال سليم له روحة وجية=مع رجال العرف له خوه وله صحبه وجيرة السناني: البقا باللي معه ترحيب ما فالخلق زيه=في محل المعرفة والعرف وشيوخ العشيرة انتهى المشوار والذمة من الذمة برية=ميرلي وجهة نظر فيهم بالأيام الاخيرة البقيلي: مرحبا يا ضيف وقلط فوق دله شاذلية=كل ضيف يزورنا ويروح مشروحن ضميرة يا عميل الخير عارف ويش لي وشهو عليه=اوفى المكيال للوافين وازيد تعبيره السناني: علم تقبله الضيوف وعلم ماله قابلية=لا تخلي للعرب في ذمتك حبة شعيرة والله انا ما بحثنا في الأمور الداخلية=مير اشوف العود حاسب للصغيرة والكبيرة البقيلي: ابشر ابشر بالسناني الك جهزنا الهدية=كان كملت الطريق وكان واصلت المسيرة أنت ولو انك تصيح للعرب صبح وعشية=ما وصل صوتك ولا جاتك من أصحابك مغيرة السناني: بارك الله فيك من وصاك وألزمك الوصية=قال لك لا تخرج الاقدام عن حد الجزيرة لن وقعت بسم داب ولن وقعت بسم حية=كلها نقطة خطر والليلةالدعوة خطيرة
