مثلما هناك شعراء وإعلاميون يشيدون ببرنامج شاعر المليون ، فهناك أيضا شعراء وإعلاميون يخالفونهم الرأي وينتقدونه.الشاعر الكبير خضير البراق يعود بعد غياب بقصيدة جديدة ورسالة محبة لصاحبي السمو الشيخ خليفة بن زايد رئيس دولة الإمارات والشيخ محمد بن زايد ولي عهده حفظهما الله .. يا عيال زايد يا عريبين الانساب يا كاسبين المجد .. دنيا و ديني يا أهل الشرف و أهل المكارم و الآداب و أهل الشيم وأهل السلوك الرزيني من لاذ فيكم ما تكدّر و لا خاب و من ينتخيكم ما يعوّد حزيني انتم عيال العود .. فكّاك الانشاب الشامخ اللي عقّب الشامخيني تاريخه اكبر من تواصيف و ألقاب الفرقد الثالث مع الفرقديني ما يحتويه كتاب وكتاب وكتاب و لا تخفي آثاره طوال السنيني شيخ الخليج وللإمارات عرّاب ورمزٍ نفاخر به مع العالميني لا قيل زايد هبّ للطيب هبّاب وانفجّ صندوق الكلام الثميني زايد..ولد سلطان..يرفع له الكاب عساه في الجنه من اهل اليقيني باسمه نناديكم مشاريه وعتاب ونخصّكم يا أهل المقام (الثنيني) خليفه .. اللي فيه تشتد الاطناب عمود بيت الحكم .. ذرْب اليميني ومحمد الوافي .. ليا شب شبّاب ولي عهده .. والذراع الأميني نخصّكم تقدير.. وإعزاز ..وإعجاب من غير قاصر في ليوث العريني تكفون يا ذخر الفلاحي ليا غاب يا فزعة المضيوم في كل حيني الشعر ينخاكم و يصرخ ورى الباب يقول فكّوني تراني سجيني في (شاطي الراحه) تعذّب ولا طاب واصبح رهينه عند (نشوى الرويني) تبيع فيه وتشتري دون طلّاب في لعبة الثمان والأربعيني وتصدّر اشنابٍ وتستورد اشناب وتمشي وتدحمهم بجنبٍ متيني وتغذّي النعرات مشهاب .. مشهاب ولا هي على ذلك من النادميني برنامج المليون للشعر وش جاب غير اعتباره جسر للعابريني على حساب الشعر و حساب الاعصاب ياخذ مصاريفه من الجايعيني مشروع تاجر .. ما حسب فيه لحساب آخر همومه خدمة المبدعيني والمال والإبداع ما كانوا اصحاب حيث انهم في الأصل متناقضيني أغراب فالمبدأ .. وفي المنتهى اغراب ولا تعترضهم سكة التايهيني الشعر أدب واحساس راقي وجذّاب ماهوب سلعه في يد المشتريني و ابوظبي و شيوخه الغُرّ .. الأقطاب ما يقبلون الشعر يصبح رهيني لا منّهم قاموا يفكّون الأرقاب وقفاتهم عند اللوازم تبيني هم ملتجأ الشعّار .. نخوة و ترحاب و لا غيرهم للشعر حصنٍ حصيني والشجرة اللي وسطها يسكن الداب فيها الخطر يسكن و هم عارفيني إجتثّوا الشجره قبل يكثر الغاب وتصبح غصون الشوك ملي البطيني ترى الاشاره تختصر شرح الاسباب والحرّ لرموز الإشارة فطيني تكفون يا بيض النوايا والاثواب لا تتركون الشعر للشامتيني تدخّلوا.. وأضفوا على الوضع الاسلاب وتداركوا نزغة ابليس اللعيني وشدّوا على كل انتهازي ونصّاب لا يحسب ان اهل الكرم غافليني
