خلاص يكفي يا عرب ذل ورقاد =حلوقنا ما دونها إلاّ اليديني خلاص يكفي يا عرب نوح وسهاد = نبغا انتجمّع للعدو ما نديني خلاص وش باقي نورّثه الأحفاد =غير المهانة من عدو مستبيني حنا صبرنا لكن الصبر ما فاد =بالعكس زاد القمع والله يعيني نشجب ونستنكر على فعل الأوغاد =ويعاود الكرّة لنا مرتيني الظلم يا اخواني تفشى بنا وساد =في كل ساعة صار وبكل حيني وينك صلاح الدين يا فخر الأجداد =تنظر على ما صار للمسلميني ما هو بقلة ..زادوا أعداد واعداد =كثر العدد ما ينفع المستهيني يعني صحيح اللي على الهون يعتاد =يسهل عليه من الهوان ويهيني صارت عروبتنا بلا علم وعتاد =وصرنا ا نتفاخر بالقعود السميني !! قصدي مزايين الإبل سعرها زاد = ومن القصيد انخلّي الماء طحيني والشعر له حفلات والكل قصّاد =والكل يشوف انه فهيم وفطيني والكورة اللي أتعبت كل طرّاد =وعقودهم تبتاع بالملاييني أما الأغاني كلها حب ووداد = فيها التعري والفساد المشيني هذه عروبتنا ولا ني بنشّاد =واللي مقدّر لي من الله يجيني محد ٍ يموت إلا ّ بحزّه وميعاد =وربي عساه برحمته يحتويني ماني بمادحهم ولكن نقاد =من هول واقعنا المرير الحزيني هم شتتوا شمل العرب زمرة أفراد = تحالفوا يوم العرب مبعديني حنا العرب صرنا معابعض في عناد =واحد شمال الخط وواحد يميني الحال والله يدمي قلوب واكباد = والجرح وسط القلب غاير دفيني والوقت أشوفه يا عرب كله أنكاد =يا حال أمتنا عليك الونيني يوم العدو يحكم على كيف ما راد =بلوتنا صارت يا عرب بلوتيني أهل الكفر واهل الوثن واهل الإلحاد =شلّة حثالة كلهم خاينيني ما نذكر أيام البطولة والأمجاد =أيام كنا للعجم طاحنيني ما نذكر أيام السيادة والأسياد =أيام كنا للفخر معتليني أيام صولات العرب وابن شداد =فرسان فالشدّة حماة العريني يوم الفضيلة تنشر بروس الأشهاد =أيام غزوات الرسول المبيني أيام كانت شرالأنعام تنقاد =غصبا عليهم للعرب صاغريني النصر يبغى عزم واصرار وجهاد = وتصير وحده يا عرب ما تليني المجد نكتب له من اليوم ميلاد =ميلاد نفخر به على العالميني ويا الله ياللي تتبع البرق رعاد = تمطر عليهم من حجارة وطيني وتجعل عذابك للعدو سهم مرصاد =وتذلهم يا أحكم الحاكميني وتجعل لنا بالعز مصدر وميراد =وتقضي عليهم يا القوي المتيني
