على الله اعتمدت وللقصيد أشرع البيبان بواكير الفرايد ياعسى ربي يحييها على نهج المفاخر بالوطن قلب وفكر ولسان بلادي ما يشابها شبيه ولا يحاليها بلاد الخير تنعم بالفخر والأمن والإيمان بلاد سيد ابن آدم تربى في مرابيها بلاد الوحي والدين الحنيف ومنهج القران بلاد اطهر بقاع الارض قاصيها ودانيها ومن يصلي ما وجه للوطن من ساير الاوطان هذا خسران حتى في الصلاة اللي يصليها وعلى نهج السلف برقابنا بيعه من الجدان تلاحمنا مفاخر لآخر الأجيال نرويها نقول الا السعود ملوك وابطال وكرام إيمان عسى ربي يبارك في الملوك وفي مباديها بلدنا قبلة المليار مسلم والعدل ميزان وسلمان الحزم والعزم خادمها وراعيها نعم سلمان ابن عبدالعزيز وعشت يا سلمان يا هيبة راية التوحيد والمله وحاميها لسلمان الميليك ابن الامام العادل الانسان له بيعة تجددها الدقائق في ثوانيها وله منا الولا ما دامت الأرواح في الابدان فداه ارواحنا ما دامت ان الموت قافيها نعم حنا فدا لأوطاننا الشبان والشيبان تحت ظَل الملوك اللي عسى ربي يعافيها وبايعنا ولي العهد سيد الأمن والتبيان له صفحة من الامجاد بالأمجاد ماليها ابن سلمان راس الجيش يوم احتكت العيدان محمد صاحب الرؤيه مسيسها وبانيها بناها بالجهود المخلصة والعرف والإتقان بناها باليمين وثبت الواقع مساعيها وهذا الفعل كله من مناهل سيدي لاهان مناهل سيدي سلمان بينتن مواريها على حزمه وعزمه كن كفه للوطن هتان يمينه ينرسم تاج الفخر لاحل طاريها
