إنت الوطن .. انت الوطن ارض الجدود اللي سقوا من.. شوقهم .. من عزمهم.. من دمهم وحدة وطن يوم الوطن نخله وبيت.. سقفه سعف يوم الحياة صبر وكفاح، كان الهدف وحدة وطن، وهذا الوطن كل الوجود كله وفا حتى ولو شاف الجحود يجحد ولد.. ويوفي ولد تبقى حنون.. للي وفا واللي جحد انت الوطن ارض الجدود اللي سقوامن.. شوقهم.. من عزمهم.. من دمهم وحدة وطن ■ ■ ■ أهلي الحضر.. وأهلي البدو اللي علي المله عدو خلف الولد.. اللي شرب من ثديها .. طعم الوفا عبدالعزيز اللي ملك فينا القلوب قبل المعارك والحروب اللي بنى هذا البلد وفي وكفى بالوعد واللي فرض خمس الفروض ما جت لبوتركي حظوظ يجحد ولد.. ويوفي ولد تبقى حنون.. للي وفا واللي جحد انت الوطن أرض الجدود اللي سقوا من.. شوقهم.. من عزمهم.. من دمهم وحدة وطن مفهوم المواطنة وحدة وطن.. وحدة ثرى.. وحدة قلوب وحدة ولاء وحدة غلا وحدة دروب أما كذا والا فلا تحيا شعوب ■ ■ ■ يا وطنا لو نقول اللي نقوله ما نوفي في الكلام اللي نقوله روح شعب وقلب عبدالله ودوله دايم الصوله لنا في كل جوله ■ ■ ■ في ثراه وفي سماه وفي جباله عز شانه فوق من عز رجاله كلنا حب من عرضه لطوله تقصر الكف اللئيمة ما تطوله وصية جدي قال جدي يا ولدي انتم في نعمه ادعو رب الكون لياها تزول واشكروا من جابكم من خير أمه ولوذوا بالرحمن مفتاح الحلول والزموا عهد عزيز للملك عبدالعزيز ان احدكم ما يبور مهما دنياكم تجور ■ ■ ■ وقال جدي احذروا فكر غريب المطامع حولكم تردى نصيب واحذروا الفتنة تراها ثم تراها كلمة بالحق لكن وش وراها والزموا عهد عزيز للملك عبدالعزيز ان احدكم ما يبور مهما دنياكم تجور ■ ■ ■ قلت يا جدي ترانا ما نفرط في شقانا حنا احفاد الموحد ويومنا بيد المجدد اللي آمن بالحوار وخلى للكلمه منار قايد الخير النصوح غارس فينا طموح لا وربي ما نبور مهما دنيانا تجور مفهوم الجهاد من لبس ثوب الديانة.. غدر وارهاب وخيانه خاين خان الامانة.. ما يدنس سورنا ومن قتل نفس بريئه.. ظالم ونفسه دنيئه دونه سيوف جريئة.. ما تطفي نورنا من يكفرنا نقول.. قولنا قول الرسول والسند كله عدول.. هل شققت قلوبنا ■ ■ ■ الجواب أغنى السؤال.. الطموا خشوم الضلال لا مساس ولا خلاص.. بيننا نار تلظى.. بيننا ضرب الرصاص لا يحسبون الجهاد.. سعي في الارض وفساد الجهاد انك توقف.. دون عزة هالبلاد ■ ■ ■ من لبس ثوب الديانه.. غدر وارهاب وخيانه خاين خان الأمانة.. ما يدنس سورنا ومن قتل نفس بريئه.. ظالم ونفسه دنيئه دونه سيوف جريئه.. ما يطفي نورنا شقائق الرجال حنا شقائق هالرجال قول النبي ما به جدال واحلامنا مهما تكون احلامنا والله ما نرضى بغير اسلامنا ربينا اجيال صغار ونوقف ورا رجال كبار بنت السعودية وفيه وحقوقها ما هي هديه ما دم رب الكون شرعها لنبيه كرم المأة وجنبها الأذيه هذا قدوتنا الكريم اللي اوحى له عليم ■ ■ ■ هذي اختك يا سندي وهذي بنتك يا سعدي وانا أمك يا ولدي لا يا بعدي.. لا يا بعدي ياما شقيت ان صابكم امر ردي انتم ترى عزي وعوني وسندي لا تجرحون اللي تداريكم حنون ولا تبعدون انتم ترى ضي العيون انا ما عمري شكيت حتى لو مرة بكيت ■ ■ ■ يا رضا الرب الكريم.. كل شي الا العقوق ابشري حب وشوق.. انتي صاحبة الحقوق مهما نبعد أو نروح.. انتم دم في العروق واختنا منا وفينا.. بيننا ما به فروق فضلكم وحقوقكم.. الله شرعها لنبيه لا أبد ما هي هديه.. لا ابد ما هي عطيه أطفالنا أكبادنا ابنك ابنك يا وطن لا يغرك صغر سني مع شقيقي وابن عمي واختي اللي فمثل سني نمشي في ركب المسيرة ونملك أحلام كبيرة بكرة أكبر يا بلادي فيك واحقق مرادي ذا وطنا هو أملنا ■ ■ ■ تسلمين يا ديرتي من كل شر لا عدو يفرح ولا حاقد يسر وأسأل الله خالق الكون العظيم يحفظك من كل شيطان رجيم * * * يا الله لا تخيب رجا طفل صغير واجمعنا يا ربي على وحدة مصير نسألك بإحساس من يرجى القبول لا تخيب دعوة أحباب الرسول هذا ملكنا هذا ملكنا من يباهينا بملك وهذي قلوب الشعب صارت منزلك يا شبه أخو نورة ويا فدوة هلي يغني عن الإعلان موقفك الجلي عبدالله ياباني وطن وإنسان حامي الحمى بالسنة والقرآن ■ ■ ■ هذي الزعامة لايقة لك ياملك ما غرك الملك العظيم أو غيرك كيف ما نفخر وتتعب راحتك لعيون شعبك والعدالة ميزتك عبدالله ياباني وطن وإنسان حامي الحمى بالسنة والقرآن ■ ■ ■ يابو متعب ياكثر مدت يدينك مادرت عنها يسارك من يمينك حزم وعزم وفيك عفو ومقدرة كيف ما نفخر وأنت رمز المفخرة عبدالله ياباني وطن وإنسان حامي الحمى بالسنة والقرآن مفهوم الولاء أنا المواطن يامليكي وسيدي هذا ولائي بالفعل ماهو حكي وأنا السعوي ديني الإسلام وأصلي يعربي ماهمني قلب حسود أو حقود أو ردي ■ ■ ■ وإذا دعى الداعي وخان المعتدي قرآني بصدري وسيفي في يدي أبشر بنا سمعا وطاعة سيدي أنا سعودي الولا كفي ندي ■ ■ ■ في ذمتي.. الروح ما تغلي على محبوبتي في ذمتي.. حلفت باللي عز شانك قبلتي بالروح أفدي ديرتي هذي سلومي وملتي المهاب ياملكنا فيك نكبر يا مهاب يا قوي الباس يالراس الصليب دوك شعبك في يدك مثل الكتاب سطر التاريخ يالنجل العريب مرتكي للحمل من توك شباب تلطم الخوان وتضد الحريب في دروب المجد تمشي ما تهاب راية التوحيد في كف النجيب ■ ■ ■ ويا ولي العهد يا الراي الصواب ياكريم النفس ما ردك صعيب يا يمين للملك راقي الصعاب لا تلفت صرت له أقرب قريب كم كسرتوا بحلمكم كف وناب وكم تداوي بعطفكم جرح عطيب خابت النفس اللئيمة ثم خاب من نوانا بشر وافهم يالبيب ■ ■ ■ لا تظن يامن يخايلنا بسراب اننا نرخص حمانا يالغريب دارنا من دونها جز الرقاب وموتنا توه يابو متعب يطيب سر بنا ياسيدي مثل الشهاب من يهاب المجد يقصر ما يصيب لو دعانا الموت ارخصنا الزهاب الكفن محزم وسيف الله خطيب نبذ العصبية هب من صدري هبوب كله إحساس وحب لا شمال ولا جنوب لا.. ولا شرق وغرب الولاء فينا تجسد نحمله في كل درب ما يخونك يابلد هالجبين اللي سجد ذا وطنا اللي نصونه .. دونه نموت بشرف نتفق حنا ولكن .. العدو فينا اختلف ■ ■ ■ يا ديرتي.. يا عزوتي.. ياكل شي بدنيتي شمتي وشمنا عن اقاليم ومناطق وصارت الوحدة لسان الحال ناطق لا تباين بيننا.. بيننا مابه فروق عزنا في ديننا.. ونتساوى في الحقوق دام في روحي هوية.. تثبت أصلي السعودية ■ ■ ■ هب من صدري هبوب كله إحساس وحب لا شمال ولا جنوب لا.. ولا شرق وغرب الولاء فينا تجسد نحمله في كل درب ما يخونك يابلد هالجبين اللي سجد ذا وطنا اللي نصونه .. دونه نموت بشرف نتفق حنا ولكن .. العدو فينا اختلف
