الدنيا مداها تافه تفتن اللي ينفتن فيها ولا يفتنها لو تبا تعطي عطا اكثر من عطا الصرافه وانت نفسك مبتليها الثقل ومشينها ما وقف قدمك حدٍ يدرى على ميقافه وان وقف محدود دوب يرد من يسجنها لا تحسب انه اليا اقفى قال يالله عافه لا توارى لام نفسه غبن واستهجنها كم فقيرٍ صد عنك ومفرشه ولحافه ضيقته وهموم ظاهرها ربع باطنها شح في ماء وجهه اللي ما يبا استنزافه مامعه غير الكرامه ما يبا يرهنها الفقير اليا وقف قدمك يبا استلطافه لا تهينه والظروف اللي تهينه هنها والبنادم لا لقى التقدير زاد اولافه والحظيظ اللي قلوب الناس يستوطنها الجناب الدمث تلقى الناس في طرّافه ماتصدّد عن رفيقٍ مايصدّد عنها فزعته كنّه يوزّعها صحون كنافه من حلاها الناس تاكلها ما تشبع منها