سحاب الوصل

عسى وسمه بكور وينتثر في صحصح المضماه
صدورٍٍضاميه كلٍ من الثاني يبي ثاره
للشعر لون وطعم آخر مع شاعر بموهبة وأصالة ضيدان المريخي , قصيدة تحمل الكثير من صور الحب المفعمة بأجواء المطر والربيع .
عسى ليلٍ جمعني بالحبيب وساقني لرضاه
... ...يعله من سحاب الوصل غيثٍ يحيي اذكاره
مداهيل الغلا جعل الليالي كلها تفداه
... ...بعد ما لاح نوره وسط خفاقي طفت ناره
حشا ماهو بليل ولادرينا باوله واتلاه
... ...عساه يعودنا بالمقبلات وناخذ اخباره
عسى وسمه بكور وينتثر في صحصح المضماه
... ...صدورٍٍضاميه كلٍ من الثاني يبي ثاره
عليها من سوات الوقت علمٍ تنقطع طرياه
... ...ذبح عرق الغرام وكل غصنٍٍ ودع ازهاره
على وعد السحاب اللي تعدا ما روينا ماه
... ...نخيله كل ليل ولا لمع برقه لدواره
انا ولا انت ولا غيرنا ولا الزمن وش جاه
... ...سؤالٍٍ بح صوته ما عرف قدره ومقداره
دخيلك يالقريب اللي ذبحني مالحقت اقصاه
... ...يجي تاره بقلبٍٍ من هيام ويختفي تاره
ليا منه عطا درب الوصال وجا يحث خطاه
... ...هلا بالساعه اللي جابت الغالي ومسياره
محله من ورى حدب الضلوع ولا معه شرواه
... ...متى ما حل في وسط الفؤاد مشرّفٍٍ داره
غريرٍٍ ما وعيت الا زمام الحب في يمناه
... ...غشيته بالملام وطابت جروحي من اعذاره
عطيته من مشاريه القصيد وقلت هاك إقراه
... ...ليا منه ضواك السرمدي وطال مشواره
اخذني بالحديث ولاح لي هرج الغلا بشفاه
... ...تخالف بين حبات البرد ورده ونواره
وانا سجيت مع نجلٍ لهن بين المحاني جاه
... ...مضاربهن وساع ولا رمن ما تسلم الشاره