تباشري باللي نعيّد لاشفناه

يا مهبط الوحي المنزل من الله
يا قبلة أهل الدين خير البريه
اطهر ثرى كان اشرف الخلق يا طاه
وأصبح لحافه دامت الشمس حيه
دولة الإمام اللي عسى الخلد مأواه
عبدالعزيز اللي عدل في الرعيه
معاقل التوحيد والعز والجاه
في مكة وطيبه ونجد العذيه
تباشري باللي نعيد لشفناه
وان غاب نحزن ونترقب مجيه
نبض الغلا من وين ما راح خاواه
احبال أحاسيس المشاعر قويه
يا ليتنا نقدر بالارواح نفداه
من دقة الشوكة لحوض المنيه
عاد المليك الله يحفظه ويرعاه
ويديم عز العزوة الفيصليه
وخيل سحاب عيوننا وانتثر ماه
دمع الفرح غيث النفوس الرضيه
فلاح بن محمد القرقاح