كان كاتب اللغز الماضي الشاعر عبيد شارع البقمي ومن اختيار الاخ عبدالرحمن ابراهيم المشعل ونشكر من عقب حول هذا الموضوع واورد لنا قائل هذا اللغز والذي يقول : انشدك عن عذرا لها عدة عيال وعيالها في بطنها من حديده اذا ضربنا راسها تلد بالحال يطلع ولدها يمسك اللي يصيده وقد توصل للحل شعرا يامرحبا ياطيب النفس والفال ياكاتب (ن) للغز بوزن (ن) مجيده ياصلك حل اللغز طاري علی البال دباسه الاوراق ماهي بعيده فزاع عبدالله الشمري - حایل اهلًا هلا يا مرحبا عدّ همّال سحابة ٍ تسقي وطنا مفيده والحل دباسه لها شغل فعال لعلها رمعه مصيبه سديده مقرن بن متعب الهرف - الرياض يامرحبا ترحيبة تشرح البال مني تصل عادي معد الجريده واللغز حله جاك ياطيب الفال دباسة الاوراق دايم مفيده عيسى علي الحربي - الرياض يامرحبا ترحيبه تشرح البال باللي طرح لغز بوسط الجريده الحل دباسه ولا عندي اشكال حليت لغزك والعواقب حميده علي رشيد الرشيد - رياض الخبراء ابشر بحل اللغز ياصلك بالحال ياصلك بالجوال ولا الجريده الحل دباسه على كل ابوحال في مكتبك تلقاه ماهي بعيده محمد ابودحيم - البدائع اللغز واضح مابه ظنون وجدال والناس منها كله مستفيده دباسة تشرى وتوضع وتنشال مع الورق عنده علاقه اكيده فالح غازي الحربي - رياض الخبراء يامرحباواللغز دايم على البال دايم نتابع من سنين عديده دباسة تظهرولدهاعلى الجال يشبك اوراقك ماتخلابديده حمد عبدالله الوايلي - حوطة سدير لغز الخزامى واضح بين الأجيال المشعل اللي بينه بالجريده والحل معروف وحطه على البال دباسة فوق المكاتب عديده عبدالمحسن بن محمد المحيسن - رياض الخبراء يامرحبا باللغز من طيب الفال شاعر وتبدع بالبيوت الفريده دباسة المكتب لها عدة اشكال هذا جوابي وانشره بالجريده عبدالكريم ابن خزيم - البكيرية اللغز متميز وله عدة اشكال والناس كلا ًحسب عرفه وجيده دباسة ٍ فيها منافع للاعمال واللي بغى غير الورق ماتفيده عبدالله العلوي الحربي - قبه سلام في مبداي مع سجة البال على النشاما عبر نود البديده من كل قلبي عد ماهل همال ودباسة الاوراق لغز الجريده علي الزولاني الفيفي - بيشة يا دحيم لغزك ما يبي شد بحبال اللغز واضح واجد اللي يصيده دباسة بالمكتبة عمرها طال مولودها الدبوس كسرة جديدة عبدالله الرفيعي - البكيرية اهلا هلا واعداد ماهل همال باللغز واللي سجله بالجريده واللغز حله واضح ما به جدال دباسة ن تدبس اوراق ن عديدة جمعان بن حشر بن قويد - وادي الدواسر حنا نحل اللغز بالحال بالحال عاداتنا دايم وحنا نصيده الحل دباسه ودبابيسها عيال واللي يبي منا علوم نفيده حسين زايد العتيبي - حفر الباطن يا الله طلبتك ربنا بكل الاحوال تحفظ وطنا من كل شر ومكيده واللغز حله واضحاً كنه هلال دباسة وسط المكاتب شديده راضي علي المطرفي - الرياض كما حل اللغز نثرا : هند بنت محمد الباز السهلي - الرياض سفاح ابراهيم الرفدي - الخرج خلف بن عايد السحوم لغز الاسبوع يكتبه للصفحة الشاعر عايد بن سطم بن رمال من الحدود الشمالية ويقول: ويش البنات اللي لهن كل تقدير بنات فعل وراسخاتن بالانساب تنسب لهن كل الرجال المناعير وهن بالنسب ترضخ لهن كل الاشناب ان قلت نوره قلت يا أم الغنادير وان قلت غيره قلت ياكثر من جاب نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاويتين.
