وقت الضحى داخل المسجد سلام يا قارئ القرآن الله خلقنا لأجل نعبد ويابخت من جاوز النيران هل الشهر يا الله نجدد توبة ونبعد عن الشيطان عبدالعزيز فهد الريس - الرياض بناية المسجد لها عدّة عقود تطوّر البنيان والركن ثابت فرض الصلاة اللي بهاركوع وسجود كم بدعةٍ بالدين بدعه وذابت وشعاير الإسلام دامت لها وجود اللي بها نفوس البشر دوم طابت أحمد السمحان - الزلفي أيام زلت باقيٍ ذكرها مع القساوه طوعتها العزايم سبق مجي الكل والآية قراها يبي ثواب اللي على الدوم دايم والمروحة وقفت وشحت عطاها والسقف بعروق النخل كالحزايم سعود عائش الحربي - جدة ياعود مانتب عود شغلتك تمثيل منظرك واضح والعصا مامسكته مسجد قديم وهد جدرانه السيل الشمس تسطع والكلك ماتركته عشرين عام هاجرته الرجاجيل وعشرين مثله بس دورك حبكته عبدالكريم النغيمشي - لوذة هذي بيوت الله من اللبن والطين والسقف أثلٍ شايلاته سواري مجصصٍ محلاه كامل من الزين ومراوحٍ تبرد لهيب الذواري جو المساجد راحة النفس والعين لو هو قديم بناه زاده وقاري الله يقبل طاعة اللي بهم دين خاشع وعينه ذارفات العباري عثمان إبراهيم الرشيد - الرياض صورة تتكلم عن الآثار وهذي مساجدنا زمانٍ فات وهذي المباني من التذكار لأجدادنا نرفع الرايات ياما تعبوا في عمار الدار تسعى على الخير والطاعات محمد عبدالعزيز الخنيفر - أشيقر والله إن الطين وبيوت القديمه وصفها كايد .. وشيٍ خابرينه دوك ذا المطراق وأسمع في وشيمه كن فيه مكيفٍ .. ومشغلينه مبارك محمد الضعاون - الرياض بأجدادنا الطيب وحب الخير عاداتهم ما نسيناها لتراثنا ما بهم تقصير هم الفخر وعز مبناها عز المساجد مع التعمير في جنّة الخلد مثواها ريان محمد الخنيفر - الرياض الخلوة اللي تحت في مسجد الطين يوم الزمان اللي مضى خابرينه وقت البراد الناس وسطه مصلين ساكف قوي مشدود ومحنكينه عبدالمحسن المحيسن - رياض الخبراء مسجد تراثي من قديمٍ مبانيه عامٍ ورا عامٍ وهو شامخٍ دوم ثابت ثبوتٍ كامل في معانيه بنوه شيبانٍ لهم دين واسلوم وﻻزال فيه الناس صلوا بدانيه رغم القدم كن المباني لها يوم حمد عبدالله الوايلي - حوطة سدير هذي المساجد من بعد فجر الاسلام كانت تشيد للمصلين من طين مسجد وسرحة وخلوة من بغى نام بالصيف بارد والشتاء الناس دافين كم من إمامٍ صلى بالناس اعوام مطوع وفي الروضة يصلي هل الدين سعود عبدالعزيز الهزاع - نعام ياشمس اسفري على ذاك الشويّب سنّد عصاه.. وسالت عيينه تحتِ طي اثلٍ في وسط الخريّب يقرى بعسرٍ ترعش ايدينه لامطلبه مالٍ.. ولا له ذهيّب يرجي رضا الله يا غافلينه صالح اللاحم - الشماسية صورة العدد السابق نرحب بمشاركاتكم الشعرية وما تلتقطه عدساتكم من الصور الهادفة والطريفة.. على إيميل الخزامى: [email protected] أو الفاكس رقم: 0114871070
