صورةٍ تحمل من الماضي الكثير بيت طين وباب أفناه الصدى ورجلٍ يحاول فتحت الباب الصغير إمّا نجح وإن كان به طال المدى عليه يجلب منهو في أمره خبير ويغيّر القفل إن ما نفع فيه الجِدى سعود عائش الحربي - القاهرة عدت يا منظر زمان الطيبين قبل عقدينٍ ومعها عقد زاد البساطه باللباس وبيت طين والطهاره بالنفوس وطيب ساد بطيب نيتهم رجالٍ صالحين والتقدّم والرخى عم البلاد أحمد السمحان - الزلفي ثمان وسبعين اعرفه زين لونه حليبي من (...) بدايته والسكن من طين!! خليفة جموس وفروتا راعيه شاري بسماعين مذياع للشعر وبيوتا سعود عبدالعزيز الهزاع - نعام منظر قديم وله مكانة على الناس يحكي عن الماضي في ذيك الأزمان أنا أشهد إنه غالي ودوم له ساس لجدودنا اللي طيبين وشجعان ماضي نحبه حب ما هو بينقاس هذا زمانٍ يعجب الكل يا أخوان محمد عبدالعزيز الخنيفر - أشيقر الله وأكبر على وقتٍ لنا فات بين البيوت القديمة والبساطه صحيح قلٍّ ولكن فيه لذّات والجار للجار يا قوّ ارتباطه عثمان إبراهيم الرشيد - الرياض البيت شعبي والموتر قديم وارد اليابان سموه الونيت يا حنين الشوق يا حلو النسيم مرّت الأيام واليومه نعيت باقي الأطلال والبيت النديم بيت ياللي على شانك عنيت حمد عبدالله الوايلي - حوطة سدير كلٍ يحب القديم ويسعد بشوفه وآثارنا كم عليها الناس مسروره يا ما سنين مضت بالطيب معروفه قلوبهم طاهرة وبالخير مذكوره بحب التواصل وحب العطف موصوفه ناسٍ على الطيبات والوصل مخبوره ريان محمد الخنيفر - الرياض صوره وفيها الذكريات القديمه البيت طين وشارعه عرض مترين شايب معه مقضاي الله يديمه وهايلكس أمنول يسمى أبو خطين تبدلت وصرنا في نعمه عظيمه أمن وأمان وخير من رب المسلمين خالد ناصر المخيمير - روضة سدير ترى التعب ما هو من الهوريه من كثرة الحاجه ومن عثرتها روح زمان الصفح والعفويه اللي رجاله ما قصر قدرتها طلال البدور - بيشة صورة العدد السابق نرحب بمشاركاتكم الشعرية وما تلتقطه عدساتكم من الصور الهادفة والطريفة .. على إيميل الخزامى: [email protected] أو الفاكس رقم: 0114871070
