يا ما حلا بيت الشَّعر والمعاميل ومجالس رجال الفخر والشهامه في مجلسٍ ما به مجادل واقوايل غير العلوم الغانمه والكرامه بندر سليمان السحيم - تيماء هب البراد وزان وقت التعاليل في مجلسٍ فيه النشاما تديره ودن الدلال وزد عليها من الهيل والسالفه تبدي على كل سيره حمد عبدالله الوايلي - حوطة سدير يطيب لي المجلاس في وسط مرباع مع الرفاقة طيبين السلومي وسولفٍ ما بيننا وحسن الأطباع تلقى القصص فيها وزين العلومي محمد عبدالعزيز الخنيفر - أشيقر يشوقني يا سعود خوت هل الطيب اللي على كسب المراجل تعارك ماهيب خوة كاسبين العذاريب اللي على المقفين دايم تشارك عبدالمجيد العازمي – المجمعة صب الدلال وقدّم التمر للضيف وابسط حجاجك لالفوك الرجاجيل ذاسلمنا يا خوي في مجلس الكيف حذرا ينوش الهيل روس الفناجيل ذي هرجة العربان وقت السواليف بين الفياض وبين حمر الغراميل عبدالكريم النغيمشي - لوذة لبيت الشَّعر عن البرد تلقى الرجاجيل فيه الدفا من صبور سمر المدينه جلسة وناسه عند نار ومعامير سوالف وشعر النبط حافضينه سعود عبدالعزيز الهزاع - نعام ليت الزمن يرجع ولو كان يومين وترجع معه بعض السلوم الحميده أيام فقرٍ لكن الناس طيبين مطعومهم لبنٍ وقرصٍ وصيده في بيوت شَعرٍ كنها قصور هالحين عاشوا بها أجمل حياةٍ سعيده ناصر بن جمعان آل عوض- وادي الدواسر بيت الشَّعر هو والمعاميل تزهاه وطلق الوجيه مدلهين المغاتير وكيفٍ حمر ينساق يا وي محلاه يجلى هموم اللي برأسه زعاطير نورة العنزي – تيماء مجالسٍ تزهى بها الناس يا ناس بعاداتنا اللي من قديم معروفه تلقى بها دلالٍ على النّار جلاس ويعجبك راع البيت قدّر ضيوفه مجالسٍ فيها المراجل لها ساس وفيها السوالف والقصايد محفوفه خالد بن ناصر المخيمير – روضة سدير المجلس اللي جامعٍ كل الأصحاب فيه النشاما سامينٍ على النّار وبيت الشَّعر مبني على اعماد واطناب والكيف ما بين الرجاجيل يندار اعلوم طيب ولا يسبون من غاب يا ليتني معهم هل الكيف والكار حميد خلف العنزي – الرياض جلسة ناشاما تود العلم وتجيبه الكل منهم يحب الخير ل الثاني ومن غاب منهم محد يشذب عراقيبه ولحدٍ تعرّض عرض فلان وفلان غنام مسعود القريني – نعام بيت الشعر رمزٍ بشكله ومعانه وأيضا الشجاعة والكرم والأصاله صورة وجوه الخير كالدّر تملاه فيها من التجديد كل الدلاله سعود عائش الحربي - القاهرة نستقبل مشاركاتكم على إيميل الخزامى: [email protected] أو الفاكس رقم: 4871070 ونرحب بما تلتقطه عدساتكم من الصور النادرة والطريفة صورة العدد السابق
