شوف الصياني بالكرم تشرح البال والطيب لهل الطيب أول وتالي والظيف بالواجب يا طيب الفال حقه بالتقدير وطيب المثالي فريح بشير العنزل - حائل المجلس اللي مدهل للرجالي فيه النشاما والعيال المشاكيل وفيه الصياني المردمات الجزالي اللي حوت بالطيب جزل المحاصيل دامغ محمد الدامغ عز الله انك يالسنافي تكلفت والله يجيرك من دروب الخساير أنا أشهد أنك للمراجل تزهلت ولا الردي ممشاه بين الحضاير ماجد السهلي - الرياض أمن ورخا ياعل ربي يديمه بديار أبو متعب لها نور وسراج داراً بها التوحيد وناس كريمه تنصف موايدهم لجل كل محتاج سعد الحماد - روضة سدير بعض الكرم ياصل مواصيل الإسراف لا صار زايد يا بشر فوق حده كم جايع محتاج وعيونه ذراف في وسط بيته عيشته ما تسده خالد بن ناصر المخيمر - روضة سدير المجلس اللي يكرم كل غالي له ودك حشود التعازي ما تقف حوله ما دام راعيه راعي جود باني له مجالس من عموم الناس مدهوله عقاب بن سقيان العتيبي - الجمش يالله عسى مجالسنا عمار وطاعات ودام التصافي.. والوفا.. والسعاده واسرافنا مرفوض خلو الدعايات ما نقبله ببلادنا اليوم عاده محمد بن عبدالعزيز الخنيفر الجلسة اللي باينه فالصوره فيها الفواكه والبلح بالوانه ديرة شمال بسلمها مخبوره عرض الصياني واضح عنوانه حمد عبدالله الوايلي مجلس كرم للضيف والجار مفتوح بانيه راع الطيب ياحي فاله المال زوده وإن نقص كله يروح راع البخل محروم لو زاد ماله فهد بن عقيل الطويان - بريدة سلام من خاطر راضي للي لهم فالكرم عاده متوارثينه من الماضي من حاتم الطائي لأحفاده هضيبان ابراهيم العتيبي والله ان الجود واقسم بالكريم العالي ان الأزمان تشهد للكرم في جبه من سنين السنين ومن قديم الليالي بالصياني سمانه والدلال وحبه جلعود بن لافي الشمري - حائل هذا الكرم من عهد شداد ابن عاد ماهو غريب في بيوت الطنايا وماهو قصوراً بالقبائل والأجداد كل العرب بهم صفات ومزايا زبن مقبل العنزي يكفي بهل حايل طلع عندهم طي قبل بزوغ الدين للآن له صيت سلم العرب في ما مضى تشعل الضي وراع الكرم لفضه هلابك وحييت سعود عبدالعزيز الهزاع - نعام شفنا الصحن من كل الانعام مليان هذا الكرم ياهل العقول الفطينه كلش في ذا الصحن ولا فيه نقصان وكلن على الانعام ذي لد عينه محمد خالد القحطاني - المزاحمية نرحب بمشاركاتكم الشعرية حتى مساء الاثنين على الفاكس رقم 4871070أو الإيميل الخاص بصفحة الخزامى: [email protected] زاوية: (صوت الصورة).. ويا هلا.
