كان بيت الأسبوع الماضي حول مقترح الأخ عبدالعزيز الرميح من الرياض عن وجوب توخي الحذر عند هطول الامطار الغزيرة والبعد عن بطون الاودية والمستنقعات للمتنزهين، وعدم تحدي قدرة الله للشاعر حمد عبدالله الوايلي من حوطة سدير الذي يقول: ﻻ ﻻح براق الحيا واقبل السيل بالك تغامر في مجاري مسيله وكان صدى البيت من الشعراء: السيل مايرحم ليازفزف السيل ياويل من جا ياعرب في مسيله يذلف مهف مقيط لو هو قوي حيل ياما فرق بين الخليل وخليله راحت وناستهم عذاب ولاواويل وذكرى اليمه يوم يطرون قيله حامد الغالي - الجوف ياللي تعاند قدرة منزل الفيل ياضعف ضعفك مالك ادناة حيله السيل من ضمن الهوام احذر السيل واللي يتحدى السيل ياويل ويله ماينفعك سيارتك باربع الويل خوذو عضتكم من هذاك الهبيله نجم بن عبدالله القحطان - سكاكا البعض منهم ماخذينٍ درابيل كنه مع الارصاد يتابع مخيله وفاجاه سيلٍ من سحاب تقل ليل! والسيل دايم يهزم اللي قبيله وكم مرةٍ غرقوا بوادي رجاجيل و آخرهم اللي برحمته يندعي له سعود بن عبدالعزيز الهزاع - نعام السيل نعمة مع تحمّد وتهليل وكل(ن) يحب الخير وشوفوا المخيلة وافهم نهار السيل كل التفاصيل والرفق ما يخفى ولا به مثيله إلزم مكانك دون حطّ(ن) ولا شيل ودرب الخطر حذرا تروح وتجي له محمد بن عبدالعزيز الخنيفر - أشيقر لا بان نور الصبح ثم ادبر الليل والناس صارت في ظروف جميله لابد نحذر والخطر يقعد الحيل خص اذا شفت المطر بالمخيله مانقول ذا فارس ولو يركب الخيل اللي الذي عايش زمانه وجيله علي رشيد الرشيد - رياض الخبراء السيل لا جانا تزين المحاصيل يا مرحبا بالسيل ولا به مثيله يا ما حلاة الجو وزين التعاليل بيوم(ن) مطير(ن) كم تزين المسيلة لا تروح نفسك ثم يجي فيه تعطيل نفسك عزيزة وانتبه لا تزيله ريان محمد الخنيفر - أشيقر بيت الأسبوع حول مقترح الاخ حاتم بن عبدالله الشاهرحول كشف السيل لكثير من عيوب المشاريع الحكومية ارسل الشاعر فهد عقيل الطويان من بريده هذا البيت السيل حاير بالشوارع له اسباب واظهر غشش تنفيذ بعض المشاريع نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس (4871070/ 011) مقترح لموضوع بيت الأسبوع المقبل: ارسل للصفحة الاخ محمد بن صالح العريني من الرياض مقترحا لموضوع بيت الاسبوع القادم وهوغلاء اسعار الخضروات والفواكه بشكل لا يستطيع البعض شراءها.
