يا لله يامعبود يا والي الأقدار ياللي خلقت الأرض من رمل وصخور أطلبك ياعالم خفيات الأسرار يا من خلقت الكون والأرض وبحور تغفر لمن هو للوطن والد .. بار فهد عسى مثواه في جنة الحور في قمة التاريخ سجل له أسطار مجده على الصفحات بالعز منشور رسم على الآفاق نصب وتذكار تذكار مجدك يالفهد صار مسطور تذكار لاصورة ولارسم وأحجار إلا بقلب الشعب يالفهد محفور بدر تعلى في السماء فوق الأقمار نجم لمع للأرض والغير مغمور تبكي عليه ارض الوطن دمعها حار تبكي عليه أعوام وأعوام وشهور وتبكي عليه آم اليتامى بالأسحار تمسي وكن الملح بالعين مذرور ويبكي عليه اللي ضعوف وقصار من مات قيومه له الفهد مذخور يالله عسى مثواه من ضمن الأبرار في جنة الفردوس له دور وقصور يالله عسى قبره قصور بالأسوار وفرشه حرير وزل بالأرض منثور يالله عسى قبره خزامي ونوار ومن ماء جنانك تجعل القبر ممطور يالله عسى قبره مضاء بالأنوار مد النظر والقبر نور على نور في جنتك زوجه حسينات وأطهار في جنتك يارب يأخذ من الحور شيخ على التوحيد والمعرفة سار وصار البلد في ظله أفراح وسرور وحكم بشرع اللي رحيم وجبار وأخد بكل اللي صحيح وماثور شيد بيوت الله في كل الأقطار اسم الله المعبود يرفع ومذكور أسس مدارس علم لكبار وصغار من يطلب التعليم يلقاه ميسور والجامعات تخرج أجيال وأدوار كم أنجبت يمناه عالم ودكتور خلى الجزيرة كلها روض وأزهار يغرد بها القمري على لحن مجرور شيخ الملوك اللي مثل ضلع سنجار بأرض الجزيرة معلم كنه الطور حامي الجزيرة من دنس كل الأشرار سور الوطن وان مسه أزمات ودهور يا ماعرض نفسه على لاهب النار جاد الفهد بالنفس والشعب موفور يوم إنقلب عن ماقفه كل غدار وأصبح ردي الرأي بالنفس مغرور يومه نوى البوقات ويصبح الجار وأصبح قصير الدار بالجار مغدور صار الحليم وكامل العرف يحتار أمر عصيب يضيع الرأي والشور ظهر له اللي عادته دوس الأخطار من شبته قلبه عن الخوف معصور حر شلع من مأكره وقت الأبصار روس الجبال اللي بها السبع وصقور أسد الجزيرة للصعوبات يختار يارد على الماء لوجبى العد ممرور أخذ برأيه ماسمع عجف الأشوار بأم المعارك نزل الجيش طابور خلا ردي الأصل يجحر كما الفأر ومن الفشل خايب ومفلس ومكسور ولايلتفت في هذر حاقد وثرثار اللي يدق طبول بالكذب والزور يا الله عسى مثوى الفهد جنة الدار في جنة الفردوس راضي ومبرور ونبايع اللي وقت الأزمات صبار عبدالله اللي في العرب دوم مشهور حر ولد حر ومن نسل الأحرار من رأس عود للصعيبات مخبور عبدالعزيز اللي له المجد والكار ساق الركايب ماتبرك على الزور فوق الهجين يشارك الذئب بالغار داس السباع وكل صعب ومخطور فوق الركايب عادته قطع الاقفار لين استعاد الملك والملك مدثور وشيد بلاد للعرب شعبها أخيار من الخليج لشط جده ليا جفور وصلاة ربي عد ماطاير طار على نبي بنشر الإسلام مأمور
