بديت باللي دايم في وجوده الواحد اللي ترجي الخلق رحماه صبح الاثنين الله ماكثر الكوده صبح علينا صدق ياشين ملفاه علم لفا عسى الولي مايعوده بوسايل الاعلام ذيع وسمعناه تنعا مليك نادراً في وجوده مليكنا اللي بالشدايد عرفناه تنعا فهد والهم حشد جنوده علما تهزهز له ضميري من أقصاه والدمع في عيني تزاحم احشوده وهلت دموعي عد مزنا نثرماه على الذي لدين كرس جهوده اللي خدم مكة وطيبة بيمناه زعيم أمة قادها ما تقوده جميع مسلم يفقده وافتقدناه وعشرين عاما وأربعة أو تزوده حافظ على الفرقان وأشاد مبناه وكل الدول جتنا تعزي وفوده وتنكست أعلامها لجل ما جاه مرحوم يا من غرق الكون جوده مدت يمينه مادرت عنه يسراه الشاهد الله والخلايق شهوده للخير أبو فيصل سريعاتن اخطاه ومساجد في كل دولة مشوده يبغى بها وجه الولي يوم يلقاه وفي نشر دين الله واضح صموده للآخرة يعمل زهود بدنياه مواقفه عند الحصى مع نفوده غيث على شعبه ونار على أعداه تبكيه صخرة قدسنا في قيوده اللي لجل تخليصها كان مسعاه وياما جلاء عن الأرامل زهوده وكم من يتيما زاح همه تبناه في حكمته مافيه قايد يزوده فقده خساره ليتنا ما فقدناه غيث على الأمة تلاطم أعدوده لو ينفدي بالروح والله لفداه يا الله يالمعبود وسع الحوده وعند السؤال تثبته عقب دنياه وفي جنة الفردوس تجعل خلوده وحوض النبي يا الله تسقيه من ماه واجبر عزانا يالوالي في فقوده والصبر والسلوان من بعد فرقاه والباقي الله والفناء لمعبوده ويا الله عسى في جنة الخلد مثواه وعسى العوض للدار باللي يقوده حامل لواها يا الله تسدد اخطاه عبدالله اللي ما اختلف عن أجدوده ليث جزوم وسنة الله مبداه واخوانه اللي بالشدايد عضوده اللي مشوا درب المأسس ومبناه وصلاة ربي عد مرزم رعوده على الرسول اللي سبيله سلكناه
