الشعر زان وهجرست له هناديب موقف وخرمه من سمينه موالي والشعرله معنى ومغنى وترتيب في روعة التصوير ماهو خيالي والخط واضح في سطور المكاتيب ولجل الجزايل صغتها للكمالي حضرت ياهاجوس فكر المناديب اللي طرا واللي لفاء ماطرالي من شاعر(ن) صاغ الجزايل مناصيب يطرب لها الحرف الندي لاسعالي مال التصنع في سما الطيب تعريب مايستوي فالدرب عدل وميالي الفكر مربط والهواجيس تدريب من قول جدٍ ولايجي باحتمالي صف(ن) بناته صف والخد تنجيب وقمت أتخيّر كلّبوهن حلالي واللي ورى عوج الضلوع المحاديب حب ٍجرى في عرق دمي وسالي احساس نبراس الفخر للمكاسيب الدم مسلم والعرب راس مالي والحب فطره.. ذابح الشك والريب وأنا سعودي رافع الرأس عالي لأني سعودي مسلم وعادتي طيب هنيت بافراح الوطن كل غالي وأجدد البيعه وأهني المعازيب إخوان نوره محتمين التوالي عطرتها بالعود الأزرق تراحيب لأفراحهم تبقى سنين ٍ طوالي صقر العروبه ياعطيب المضاريب طاعتك وال الأمر طاعه لوالي ياخادم البيتين بالمسك والطيب ياحصنها لاصك جال ٍ بجالي بلسم دواء كل الجروح المعاطيب والشعب في حبك عمى مايبالي ياتاجنا ياعد صافي المشاريب منك ارتوى ظاميه منهل زلالي أنت الكرم والجود بيت المواجيب من طيب قلبك ماترد السؤالي يا ستر ترفات العذارى الرعابيب في عسر سود وقاسيات الليالي وسلمان كف الخير مدم المخاليب عضيد ابومتعب بمال وحوالي كف العطاء وإن مدها للمقاضيب يارد على الجمه رهاوي الحبالي فكاك عسرات القضايا المكاليب يقدم على الصعبات طوع ومنالي والنايب الثاني حصان الاطاليب مقرن كريم الجود مروي السلالي والطيب يشقابه صعيب المطاليب للفعل يضحك ظاهره ببتهالي مرت ثمانينٍ(ن) وثلاث مقاطيب والمملكه للغير مضرب مثالي دارت بها دهور الليالي دواليب لآل السعود أهل الفعول الجزالي من حسنها في وصفها للتشابيب جميلةٍ تزهى حسين الجمالي كل (ن) على جيله وينقل تجاريب تاريخ يروى باقي ٍ لايزالي وللشّعب هيبه تعتلي بالمراقيب ياشعبنا المخلص من أول وتالي شعب السعودي وان تعزوا نواخيب والنعم وإن جاء للسعودي مجالي الله خلقنا مانساوم على الجيب طبع الرجال مكرمين السبالي ماننقل المحزم رصاصه مكاذيب نارد حياض الموت والمر حالي ونقل الهدف كسر العظام المصاليب ومحرمات الدم شرع الحلالي حد البحور البحر شرق وتغاريب ومن يامها حتى الحدود الشمالي مادامها تطلع على الكون وتغيب إلين تشرق شمسنا من زوالي بيرق وكلمة حق .. نخلة مناصيب في راية التوحيد رمز المعالي هامات دار العز روس المجاذيب من دونها ترسي رواس الجبالي لاما وردنا حياض الاعداء شواريب والهيبه من الله عزيز الجلالي ندحر فكر واهم يجينا بتخريب وعيون نكحلّها برووس الخلالي للذل والحقران والضعف والعيب يامرذله ياشرذمه ياانحلالي والصدق ملح الهرج غايه وتوجيب والقلب نبض الرجل دق وجلالي وبديت قولي طيب وختامها طيب وصلوا على محمد ختام المقالي سعد بن نايف المسعودي
