كان كاتب لغز الاسبوع الماضي الشاعر منصور بن ابراهيم العبودي من الخرج ويقول ابنشد العراف وانشد هل الدين وانشد رجال بالمعاني ذكيه عن بنت شف عشاقها بالملايين وايضا لها عند الملا جاذبيه ياكثر ماشافت من الضرب والشين والمشكله مازالت البنت حيه وقد توصل للحل شعرا: انا اشهد ان البنت تعجب ملايين ترضي وتزعل نوب ما هي خطيه جمهورها يزداد الضعف ضعفين كرة قدم ثم اصبحت عالميه خليف الحربي - الرياض البنت يا منصور بين الفريقين كلن يقول الفوز مضمون ليه كورة قدم تنشات باقدام رجلين واللي مسكها شات ناول خويه سعد صنهات السهلي الدرعية لغزك يامنصور العبودي على العين وابرمع الرمعه بليا خطيه كرة قدم له بالمحافل عناوين وللفتح مبروك التقدم هديه عبدالكريم الراشد التميمي - الغزالة حييتوا يا منصور مليون والفين واعداد مايهدا بوقت الضحية والحل كوره من قديمٍ وهالحين يفزع له الجمهور صبح وعشية علي رشيد الرشيد - رياض الخبراء الحل كوره مع شباب اوو وراعين خذ حلها ياراعي الشاذلية مع ضربها تصبر على الزين والشين ولا تشتكي من حاوله بالأذية محمد ابو دحيم - البدائع كرة قدم تصرف عليها ملايين اولمبياد وملاعب عالميه ولها نوادي وشعارات وميادين وكؤوس وحراسات له عسكريه عبداللطيف الحُمَيَّاني - عنيزة هلا هلا في لغز يطرب له العين .منصور ياراع اللغوز الذكية الحل كورة تنضرب له برجلين وعشاقها فيهم تعصب شويه صالح بن ابراهيم السنيدي الحريق - الوشم حنا نبي نعطيك للغز تبيين والحل عندي يا زبون الونيه والحل هو الكوره وان كنا فهيمين واقبل من المرسل سلام وتحية مطلق صالح الثبيتي - الداهنة يا مرحبا واللغز بنت الفريقين نجومها في كل صبح وعشيه والكورة اللي شانها دوخ الصين لغزك وخلك عالي المعنويه علي آل زولان الفيفي - بيشة ألف سلامٍ للرجال الوفيين مع مثلها سلام وألف تحيه هاذيك اللي بالحب فيها براهين كورة قدم ياعارفين القضيه مرعش عيد الفهري العبيدي - الرين يامرحبا منصور يامية اهلين ياللي حبكت اللغز حبكه قويه والحل واضح بين للفهيمين كورة قدم وسط الملاعب شقيه راضي علي المطرفي - الخرج كما توصل للحل نثرا فيصل بن عبدالعزيز الشايقي - فيضة السر، حمود مقبل الحربي - القصيم، عقلاء بن مثقال العبدلي (الفويلق) لغز الأسبوع كتبه للصفحه الشاعر - احمد بن ناصر المحرج من الرياض انا بنشدعن بنيه دقاقة جسم وضعيفه ولكن قامت بدور(ن)صعيب وغاية التكليف بها امن وبها عز وبها للناس تخويفه بفزعتها لرجل(ن) كان جبارلهم ومخيف لها وقفه مع الرجال ربيع الوقت اوصيفه وترى اللي مثلها واجد حقيقه مابها تزييف نستقبل الحلول عبر الايميل [email protected] او الفاكس 014871070 كما نرحب بطرح الألغاز الجيدة
