الاسبوع الماضي كان لغز الاسبوع من طرح الشاعر سعد مويزر البدراني من الرس والذي يقول: ابنشد الشعار يا ويش الولد في وسط قومه للولد دور مهم يحفظ منازل لابته مثل السند والله حقيقة يا عرب ماهو وهم وقد توصل للحل شعراً: مرحبا واهلين يالغالي سعد من رجال وسط قلبي قدرهم جاب لغز في خزامى مجتهد رمعته صفر يقوله من فهم صالح عبدالله الزرير التميمي - الرس يا مرحبا باللغز واهلا في سعد ثم ابشروا بالحل اسرع من سهم ثم ينشرون الحل في يوم الوعد هذا تراه الصفر يالحر الشهم راشد بن ناصر الشقيق - القصيم الصفر يا زينه عن يمين العدد يزين معه السوق ويزين السهم والمشكلة لا جاء يساره يا سعد طاح المؤشر والعرب من تتهم محمد عبيد الديحاني -القصيم لغزك رمعته من قريته يا سعد لا جا على اليمين رجال وشهم وان جا على الشمال ما زود عدد هو الصفر يا عازمين أهل الفهم حمد عبدالله الوايلي - حوطة سدير اللغز واضح للمرمع يا سعد لازم نصيبه لا رمينا بالسهم الصفر حله يضبط ارقام وعدد ماهوب حله صعب للي يفتهم جابر عبدالله حمد البهدل - الربيعية يا مرحبا يا هلابك يا سعد في صفحة اخزامى نشاما ضمنهم والحل صفرله مراكز بالعدد وبحال مفتاح يعرفه من زهم سالم البشري - الجبيل يا سعد لا عاد تنشد لك احد جاب حله منهو ال لغزك فهم باليمين ان جا قلنا له عدد وباليسار ان جا دوره مو مهم يزيد احمد الطيار- حفر الباطن اللغز معروف يشارك بالعدد وان جاء يسار لا يفيد ولا يهم هذاك صفر اللي عنيته يا سعد ترى وكاد الحل ما عندي وهم فالح غازي الحربي - رياض الخبراء يا مرحبا وأهلا هلابك يا سعد كل لحل اللغز يرمي له سهم الصفر حله لانفرد مابه جهد ما ينفع الا عن يساره لو عدد علي رشيد الرشيد -رياض الخبراء يابو مويزر مرحبا بك يا سعد لغزك قريته لكن الحل الأهم ولقيته الصفر يجي وسط العدد رمعه سريعة جبتها مثل السهم ماجد عبدالعزيز الثميري - المجمعة يا مرحبا واللغز من ولد البلد واهل البلد جميعهم نحبهم والصفر حل اللغز جاكم يا سعد ودي اشارك ربعكم في صيدهم محمد ابو دحيم - البدائع حي الله الشاعر وحي الله بعد تثنى التحية للنشاما كلهم فكرت في حله وأبرمع يا سعد على الصفر وأعدادهم أعدادهم صلاح بن عبدالله اليابس - رحيمة كما توصل للحل نثراً: طلال فالح الحربي - رياض الخبراء، ثامر سند الشمري - الرياض، خالد معلا سالم العتيبي - الرياض. لغز الاسبوع كتبه للصفحة الشاعر حمد علي الزقيحان من رياض الخبراء ويقول: انشدك عن عذراً لها بنت وجناح واللي تزوره بنتها ما حمدها يا كثر ما صاحوا من البنت صياح وإن ماتت أم البنت ميت ولدها نستقبل الحلول على الفاكس 4871070أو الايميل [email protected] خزامى الصحارى - زاوية اللغز . كما نرحب بطرح الألغاز الجيدة
