* قاهرهم وحابس دمهم عكوسي تحية خاصة من حوطة بني تميم وبودي أن أسألك اين الاعلام من الانوار يعني ضروري يكون في "ركاء" وإلا "زين"؟ سعد الجوير - حوطة بني تميم - يعني وش رايك يكون في الدور الاسباني؟! * خفيف الظل الناقد الساخر معوكس تحية محبة وتقدير: تعليقك يابو الشباب على بعض محللي التحكيم مثل ابو جروان والقحطاني والملحم وغيرهم اللي اعترضوا على جزائية العابد؟ بندر العصاي - عنيزة - ابدا تحليل مشجعين مادرى عنهم أحد! * صاحب المليون رساله معوكس ودي أعرف رايك في استدعاء ياسر القحطاني للمنتخب يعني وش هدف اتحاد الكرة من الفكرة؟ نواف الصيخان - حي الفلاح - يبون أن خسروا شغلوا هالمتعصبين وحطوها في راسه! * الساخر معوكس ليش رائد التحدي دحدر مستويات ونتائج بصراحة تفشل معقولة علشان الريس ابوبندر لمح بالاستقالة ياخوفتي يقرب من الوحدة والشعلة؟ عادل المسلم - بريدة - الصفراء - شكل الكليجا خلص وينتظرون المهرجان الجاي! * عزيزي معوكس اشوف ان اداراة الهلال ماعندها سالفة ان بقت مانغان والقهر أن كومبواريه يبيه عاد من "زين" مستواه وإلا واسطته قوية؟ عبدالعزيز ابوسعد - حي الشفاء - قاعد.. قاعد.. لو يسجل في مرماه! * الحبيب ابو العواكيس شكل صنف الحكم الشهير ابو عجراء واجد وماغير مهايط في ذا القنوات اللي تستقبل كل من هب ودب حمد الدوسري - العزيزية - يقولون فيه لجنة من (الفيفا) ناويه تنقلهم لزيورخ! * الغالي معوكس تكفى يابو العواكيس فكنا من اداراة الحزم فريقنا يعاني وماغير هبوط من الممتاز للاولى والظاهر الثانية في الطريق وحدنا الثالثة؟ عبدالله الحربي - حدكم الموج والرمة والامل يونايتد! * عزيزي أشهر ناقد معوكس ماتشوف ان الاهلي المصري تأهل للعالمية للمرة الرابعة ومن وسط الميدان مثل مايقولون بجدارة ولا أزعجونا عالمي ومونديالي وعلشان كذا مابعدوا عن منصات التتويج انت وش رايك؟ عبدالملك المرشد - عرقة - ما ابعدوا وغيرهم بعاد كنتم ولاقريبين ويحلمون! * هلا بمعوكس نفسي أعرف وش كتب نجمنا الكبير خالد زيلعي يوم سجل هدف العالمي الاول في مرمى الرائد عاشق النصر - ابوسعود - قرطبة -كتب وينك ياريكارد؟! * عزيزي معوكس تتوقع يسويها التعاون "سكري القصيم" ويلعب على نهائي كأس ولي العهد أو يطلع من دور الستة عشر معتز المحيميد - بريدة - الجردة -يطلع ولا حتى يلتفت! * النجم المتألق معوكس وش يحتاج الاهلي علشان يرجع للانتصارات والمنافسة بعد كبوة الآسيوية عاشق القلعة - يزيد عبدالله - جدة - توأمة! * عزيزي معوكس تتوقع الفرق الممتازة تجيب محترفين عليهم الكلام في الفتره الشتوية المقبلة ولا ماهناك جديد مشعل الصيخان - حي الفلاح -الا هناك ميسي وبن زيمه ماحولك الا مثل ديمبا موراليس! * ابو العواكيس برايك ماهي ابرز أسباب تألق الحارس عبدالله العنزي أشوفه فدائي ويصد أهداف محققة النصراوي - مناور - وجود السد العالي هوساوي! * العزيز جدا معوكس لازلت عند رايك في بعض البرامج الرياضية انها كوميديا وتذكرك بحسينوه واخوه سعد في درب الزلق خالد السليم - الروضة -ولا عندي نيه اغيره! * احلى ساخر معوكس وش تعليقك على قرارات الاتحاد الآسيوي المتناقضة اللي حيرتنا مرة تجيب احتجاج وبطولة لفريق ومرة خلوهم يلعبون محليا وين اللوائح والانظمة نواف المطيري - حي السلام - راحت مع ابن همام!
