* وش رأيك يامعوكس توسط عند احمد الفريدي لتجديد عقده .. ترانا مفوضينك ولك نسبة؟ حمود الرشيدي- الحائط - ابوعمر ما يتعامل الا برسايل الجوال وانا ماعندي وتس أب! *العزيز معوكس وش اللي خلا قاروب يصدر البيان .. ما تشعر ان رياضتنا صارت بس تصريحات وبيانات والانجازات يخلف الله؟ سعد الدوسري- الافلاج - الا وين هاالشجاعة قبل ولا أسد علي و.....!! *عزيزي معوكس ماهي تحليلاتك لكثرة تصريحات لجنة الحكام، جودة في العمل والا تغطية على الاخفاق؟ عبدالله التميمي- الرياض -من الفضاوة! * خفيف الظل معوكس هل تتفق معي أن المقعد الآسيوي المسحوب راجع لنا وان الموسم الجاي بتشوف أربعة أندية في دوري أبطال آسيا؟ خالد الربيع- الدمام -الا بتشوف اربعين بيانا من ذي اللجان اللي قلبوها حراج! * الحبيب معوكس لماذا لا تكون محاميا خاصة لأن عندك حججا ولسانا ما شاء الله عليه وإذا بغيت استشارات ترانا نعين ونعاون؟ جابر عوض- نجران -عندي حجج وغيري عنده جح! *حبيب الجماهير معوكس وش أصعب شيء تتوقع تواجهه الرياضة السعودية في السنة الجاية؟ فهد البيشي- بيشة - مشكلة مكبرات الصوت! * الغالي معوكس ماهي الأسباب التي جعلت الهلال يتأخر في إعلان اسم المدرب الجديد؟ يوسف الساير- الجوف - سوبر التويتر 2012! * كيف ترى يا معوكس تجربة سامي الجابر في فرنسا وبعدين ليش ما صرت معه مدير أعمال يمكن تصير رئيس لنادي اوكسير؟ نواف الخالدي- الهفوف -شفتها على وجه المتحدث الرسمي تقلب كنه قوس قزح! * الناقد الكبير معوكس هل قرار التجديد مع عبد الغني صايب ام خاطئ ولو كنت المدرب توافق وإلا ترفض؟ النصراوي سعد الرشيد -صايب ورزاق وبوقاش! *الكابتن ابو العواكيس ما علمتنا وين تروح بالإجازة عساك ناوي على أوروبا؟ صالح الغامدي- الباحة -لا ناوي على الصمان! * ما تلاحظ يامعوكس زحمة الاستضافات في البرامج اذا قرب الصيف، (يمدحون براد النمسا)? هادي الصبحي - المدينةالمنورة -والاستضافات لزوم البراد! *صاحب المليون رساله ابوالعواكيس اقول وش جاب لجاب ناس ذبحتها الاحلام وحدها حفل كيكك علشان المهاجم سجل عشرة اهداف وناس تعيش مع الفرح والذهب وأسطورتها اللي لعب في كأس العالم اربع مرات وهداف مع بيليه تطارده الفرق الاوربيه تبيه مع الاجهزة الفنية ياوالله الفرق بعذرهم في ذا القنوات كأن على رؤوسهم الطير؟ بندر العصاي-عنيزة -الطير البصمة 4! -عزيزي ابوالعواكيس معقوله ناصر الشمراني هداف الدوري ونجم الموسم ماله ذكر في القناة الرياضية ومباريات بعض الفرق تعاد مليون مرة وين الحياد؟ عبدالملك المرشد-عرقه -الحياد يمقن مسحور! *الحبيب ابو العواكيس ودي أعرف وشلون فريقي في بطولة سوق الحمام الدوليه 2012يتأهل للنهائي تكفى ياصديقي عندك خطة؟ صديقك-حمد الدوسري-العزيزية -الامر سهل صكة بلوت مع الرئيس قبل المباراة وتنسمح أموركم! *الغالي معوكس وش الحل مع العربي وهرماش وايمانا الادارة شكلها تورطت فيهم وخسرت ملايين اليوروات ومالقت من يشتري عقودهم يعني ماكو تصريف؟ نواف الصيخان-حي الفلاح -الحل اعارتهم لمنتخب سدير ولا الثقبة!
