*المحبوب والمرعوب ابو العواكيس لماذا اجلوا مباراة الهلال والاهلي في كأس فيصل، وبناء على رغبة اي الفريقين؟ ناصر العوفي -الرياض -يبون الراحة لواحد منهم *تصور يامعوكس لو انت ولد نعمة وعندك ملايين، اعتقد ان البعض رايح يطلق عليك لقب المطنوخ عشان تطنخه بكم قرش؟ فهد المانع-تبوك -انت عطني الملايين ويكون خير *استغرب يامعوكس غياب ويلهامسون امام النصر، كن الجلنط عنده مسحوب.. السرعة خفت عنده شوي؟ نوري الشمري-حفر الباطن -لاوالله خاف من انبراشه من برناوي توديه السويد "دايركت" *عزيزي معوكس ارتفاع مستوى النصر هل هو بسبب روح اللاعبين او ذكاء وموهبة المدرب التكتيكية؟ اخوك المشجع النصراوي-لافي العنزي -ذكاء غيرتس والدعيع *أبو العواكيس يقول بعض أصحاب البيانات إنه سعى كثيرا لتنظيف الرياضة السعودية هل هذا صحيح؟ صديقك مشعاب نجرالقبع -أم طلحة -كيف الحال هل صحيح يامعوكس أن أكثر الملاقيف هم من كان يعمل ولفظتهم الرياضة؟ *سالم الرويبخ-الكويت -البعد عن الفلاشات شين ويرفع الضغط *يابوالعواكيس طالبينك تكلم الدكتور مدني رحيمي يغير طريقة لبسه للغترة ويخليها على النسفة السعودية المميزة المعروفة؟ بدر اليعقوب-القيصومة -ماتجي شكله مثبتها مع الطاقية *الأخ ابوالعواكيس تحيه طيبة. القناة الرياضية السعودية ومشكلة المعلقين الذين يشرحون أحوال الطقس والحكم الفلاني له ثلاثة أبناء ويعمل في؟ ماباقي الا يقولون نوع سيارته؟ محبكم ابومحمد-روضة سدير -كلش يهون ..ولا مذيع حفل اعتزال حمزة اللي كنه يقدم برنامج مسابقات *أستاذ معوكس ما تلاحظ ولوج الأهداف السهلة في مرمى ابو دعيع، وش القصة؟ نواف الشريهي -حائل -القصة..الله يعين ابوعلي اللي بيعتزل ما لعب مع الفريق الاول!! *أهلا معوكس يقولون إن جماهير النصر ما طلعت من الملعب تنتظر الكأس والميداليات تحسب إنه نهائي؟ كوزو-الرياض -يستاهلون الفوز *كل عتب يابو العواكيس على بعض الإدارات التي تترك الفريق وما تكون قريبة منه في المباريات المهمة؟ حمد الشعلان-أبها -قصدك مع ادارة ابها ماحضروا مع الاولمبي *كيف تقيم يابو العواكيس تجربتك في الصحافة وماهي ماركتك المفضلة، وماذا تفضل الهمبرجر أم البيتزا؟ غالب السعدي-بريدة -افضل المطبق! *لماذا لاتتجه يابو اللذعات الى التحكيم عساك تريحنا من بعض الحكام؟ دواس العنزي-عرعر -عاد ملقيت الا الناصر بيعطيني فرصة..كلها لقاء فضائي وابعاد كنتم والا قريبين! *ممكن تسلفني يامعوكس لين نهاية الموسم وإذا جت الإعانة مارايح نقصر معك، المهم تخبر نادينا محتاج ويمر بأزمة مالية؟ بسام البسام-الخبر -ابشر خل الاسهم تزين واسلفك انت والجيران *صراحة اني حزين يامعوكس يوم سمعت ان أيدير مارايح يستمر بالنصر؟ عاشق الأصفر-منيف اللويحي -يقولون ان مورينيو حالف مايروح الانتر الا وهو معهم *هل صحيح انك ماجيت للعمل طوال الأسبوع الماضي يوم خسر فريقك المفضل؟ نهار العامر-الخرج -لا وقضيت الاسبوع في المشتل *ماذا يذكرك بعض أجسام اللاعبين وعضلاتهم يا معوكس... آلا تخاف أنهم يدبغونك إذا حشيتهم خصاة إنك إنسان شري؟ - يذكرني باندريه العملاق صديق النتيف. *لماذا يامعوكس اختفى اشرف قاسم بعدما لعب للهلال ليش مايرجعونه مدرب وأنت تصير مساعد؟ محمود صالح أحمد-الرياض -مايوافق حسن شحاته *بصراحة يامعوكس رغم النكبات بس انا متفائل بصعود التعاون ولاتنسى تجي تحضر الاحتفالات بالصعود؟ مهند البريكي-بريدة -الله الله بالكليجا ويصعدون برج الشنانة *منهو قدوتك ياستاذ معوكس في الكتابة لاتقول الهليل أو انيس منصور؟ راشد الفالح-المدينةالمنورة -لاتقول خل العيون عنك تقول *اكثر شيء يضايقك يامعوكس في الرياضة، وما ودك تصير عضو شرف، فرصتك تصريحات وتعقيبات تشتهر اكثر؟ نجيب الخميس-مرات -لقافة وترزز وبرمجة البلوتوث مع الفضائيات مباشرة!! *صراحة ابي أشجع الشباب، يفوز يخسر، تجيه أزمات مافيه وجع رأس وما أحد يدري؟ خالد الدوسري-الوادي -شجع واللي مايبي يجيه الضغط والسكر يشجع *وش رأيك باللي يصرحون بالليل والنهار وما بقى الا يعسكرون عند بوابات الجرائد، هذولا وش جابوا لأنديتهم يوم كان يعملون بها؟ سمير أحمد -جدة -جابوا الخيبة *لو كنت عضو في ادارة ناديك وصدر قرار بابعادك تبتعد تلتزم الصمت والا مرة تطامر بين القنوات الفضائية ومرة تصدر بيانات ومرة تتصل على صحفيي فريقك عشان يكتبون لك تصريح ارجو ان تجيب بلا لف ودوران؟ حجاب الفريدي-مهد الذهب -لف ودوران حول المضمار *للمميز معوكس يا أخي أنا طبقت ما يعمله الأوروبيين و هو القراءة وقت الانتظار وفي يوم جربت القراءة في وقت الانتظار فقرأت عمود عنوانه ( دجة و صجة )و ما خذ صاحبه مقلب في نفس خصوصا عندما أقتبس كلام رئيس نادي الشباب خالد البلطان مع أنه قبل أسابيع ينتقده وأقتبس الكلام خطأ لأن البلطان قال تركنا (الصجة و اللجة للغير) و تفرغنا للعب وضح لي ؟ محمد الدوسري -الرياض -عنوان عزف منفرد على السمسية
