معوكس *كيف هي يامعوكس معنويات بعض الناس عقب انتقال سعد الحارثي وتوقيعه لفريقه الجديد؟ يوسف الروقي- الدوادمي - كنها سوق الاسهم 2006!! *عزيزي المحترم معوكس وش رأيك في قصة نور وين مراقب المباراة؟ صديقك معاذ الحميد-مرات -شكل المراقب وقتها يبي له مراقب!! * وش رأيك يا معوكس بيوسف العربي او ناصر الشمراني يصير الهداف؟ صديقك ابو هليل الافلاج - العربي يبي له الاشقراني ويلي يعرض نحمد الله جت على مانتمنى!! *الأخ العزيز أبو العواكيس تحية طيبة وبعد: سمعنا أن اللاعب محمد نور سينتقل لنادي الجيش القطري هل هذا الكلام صحيح او خريطيات وسمعنا ان سعد الحارثي طلب من إدارة النصر مبلغ عشرة مليون مقابل تجديد عقده!؟ محبكم ابومحمد- روضة سدير -سمعت وشفت وجه المذيع وعميد ال.... يوم وقع الرابح!! * عزيزي معوكس الخلل في النصر هل هو في أعضاء الشرف او الإدارة او المدرب او اللاعبين او الجمهور طال الانتظار نبي بطوله يالغالي؟ اخوك المشجع النصراوي لافي صالح العنزي -في لوحات الضب الأصفر!! * السيد معوكس صباح العسل والقشطة باستثناء الليث والزعيم وفارس الدهناء والقلعة جميع فرق الدوري مهدده بالهبوط لدوري المظاليم بما فيها العميد والعالمي فعلا دوري محير؟ وما رأيك بالمدربين الوطنيين عبد الله عبيد الحربي(غراب) وعلي كميخ ؟ عبدالله العبيوي ابو نايف عاشق حي المصيف(الكويت) -بالطربوش ولا بدون!! * متى على خير يامعوكس تصير مساعد مدير قناة وترشحني للظهور في البرامج التي تخدم فريقي؟ حمود الفهيقي- عرعر -اقول (أغنم) زمانك!! * الغالي ابو العواكيس ما تشعر ان تجديد الهلال مع خالد شراحيلي رفع ضغط بعض الناس؟ بندر السنجاري- حفر الباطن -اللي قبلها بيوم حلموا وعنونوا (يغادر)!! * الناقد الكبير معوكس بحكم انك خبير قاري ودولي وش قصة الناس اشغلونا بنصف المقعد الأسيوي .. ياخي خسرنا اكبر منه ما أحد تكلم؟ خالد التميمي- الرياض -ما احد ولا الانصار!! * هل قرأت يابو العواكيس حوار مدني رحيمي يوم قال ان حركات بعض الناس مكشوفة خصوصا اللي رشحوا أنفسهم لرئاسة الأندية ظنك صادق؟ عبدالحميد الصبحي - اللي رشحوا رحمهم الله!! * كيف تفسر لنا ياستاذ معوكس ظهور بعض الناس بعد توقيع مع الحارثي .. احس انه شوي ويبكي؟ عبد الله العنزي- تبوك -لاتلومه فيه اللي كافيه وتركش كوفي!! * يقولون ان وعودك يا معوكس باستقبال المعجبين بك مثل مواعيد بعض اللجان التي تختفي بسرعة.. لماذا؟ سالم العجمي- شرورة -ان اختفت بسرعه دواها ساهر!! * ما دام لك نفوذ وعلاقات يامعوكس وتواصل مع بعض القنوات اللي تشتغل فيها معه من (تحت لتحت) توسط لنا بالظهور.. والا بس اللي يشجع فريقك؟ ريان البقعاوي - حائل -ابشر بس حدد أي يوم في جدول النقاد الأوروبيين!! * انتبه لا تسرب اخبار جريدتك يامعوكس تراها شينه بحقك وأسرار المهنة؟ سعد الدوسري – الخبر -أهم شي الصداقة واضمن المدح !! *الحبيب أبو العواكيس تحيه وبعد: ليلة توقيع الذابح للزعيم يقولون فيه لاعب يدور على المقر يبي يلحقه ماعرفته يابوالعواكيس؟ صديقك –حمد الدوسري-العزيزيه -اللي شافه يقول فيه من بوهة بعض الناس!! *صاحب المليون رساله ابو العواكيس تحيه وبعد: وش رأيك بقصة هزازي ماتشوف انها قزع وين التعليمات؟ عبدالملك المرشد- عرقه -أي ابو تعليمات قالك ساهر اللي ماعنده وقت ولامجامله يلقط القصه ومعها القزع!! نايف هزازي
