كتب بيت الأسبوع الماضي الشاعر صالح البشري - من الفويلق والذي يقول: احذر من التقليد لا تتابع الغرب ابعد عن اللي بالخطا واقعينا وكان صدى البيت من الشعراء: نرحب بعودة الشاعر ناصر بن جمعان ال عوض وعودا حميدا حيث يقول : ياللي على الموضاتِ لِكْ فكْرِ منْصَب لا تِخْلِفِ سْلومٍ عَلِيهَا ربِينَا ماهُو صحيحٍ تِقْتِدي بْكِلّ مِنْ هبّ مَيّزْ بِفَهْمكْ كلّ غَثِّ وْسمِينَا بعض التّشبّهْ بِالْبشرْ يِعْتبَرْ ذنب إنْ كانهِ مْخَالفْ لِسِنّةْ نبِينَا شِفْنَا مَنَاظرْ صادِمهْ تُوجعِ الْقَلْب إِيْعافَهَا مِنْ كانِ عَقْلهْ رزِينَا إِنْقَلِّدِ أهْلِ الشّرْق وِنْقَلِّدِ الْغَرْب في حَاجِةٍ تنْفعْ بِدنْيًا وِدِينا من كل شرق او غرب لك منهج او درب واحذر عن اخطاءٍ بها غاويينا هذي نصيحة باخِصْ الامر عن قرب وبعد النصيحه لا تقول ما درينا سعود عائش الحربي - جده واحذر من اللي لا مشى ضيع الدرب.. يجيك دلوه بين كدرٍ وطينا على القرايب يقدح النار للحرب والا العدو يسلم ويلقى حنينا علي رشيد الرشيد - رياض الخبراء واحذر من الاجرب ولا ترافق الجرب ابعد بعيد واترك الخايبينا والدرب واضح للذي يبغي الدرب اما بطب او في صناعه تجينا عيسى الشلاحي - الرياض بيت الأسبوع ارسل للصفحة الشاعر رجا الرمال من الرياض هذا البيت والذي يقول : لاصرت في زحمه وكثرن الاصوات خلك شمالي صدر والصبر مطلوب نستقبل صدى هذا البيت خلال أربعة أيام من نشر البيت على إيميل الصفحة: [email protected]
