كان بيت الأسبوع للصفحة الشاعر عبدالعزيز الصقيري من حائل، والذي يقول : يازين وجه الأرض من عقب الامطار يالله عطى برضا وبارك بما اعطيت وكان صدى البيت من الشعراء : يالله ياللي عالم كل ما صار يا واحد ندعيه لا اصبحت وامسيت يا رب تبع للمطر وانت قهار وبارك يارب الكون يا والي البيت ونشوف عشب هالسنه مد الانظار يا رب عفوك كان يارب زليت خالد المشود - الرياض الحمد للي عالم سر واجهار حمد يليق بقدرتك كل ما اهديت يالله تبارك واجعل الخير مدرار انت الوحيد اللي ليا ردت سويت واجعل مفالي دارنا عشب وازهار والفقع يجنونه من طارف البيت علي مونس الجدي - عريجا حايل لك الثناء والحمد يارب غفار انت القدير وتحيي بامرك الميت عسى المطر صيب نافع مهو ضار ادعوك ربي كل ما اصبحت وامسيت ينشاء من القبلة معه خير مدرار غيثن يعم اهل البلد والكواشيت صالح البشري - الفويلق الغيث وجه الارض يُكْسى بالازهار وتلقى الوَنَاسه وسطها لا تِمَشيت وسَجْ القدم بالبر مِع شبة النار تلْقى الخضار وجَو هُو ما تِمَنيت يالله ياعالم خفِيات الاسرار جزْل العطايا مِنك يا والِي البيت سعود عائش الحربي - جدة الحمد لله بعد ما جاتنا أخبار ان الوطن ممطور من حيث لقّيت والله عطانا الغيث من دون الاخطار تنضر خضار العشب لن رحت ون جيت من شرقها الى غربها صارت أمطار ومن الجنوب الى الشمالي تمشيت لقيت فيها مرتع النوق و اشجار في سهلها وعلى الجبالي تعليت محمد عبدالله الشهري - جبل اثرب شفت المناظر زاهيه شوف الأبصار رثع السحاب وجاعلى ماتمنيت هلت مزونه وانتحى سيل الأسبار ثم ارتوت ريضانها وجالها صيت وانبت خضار شوفته فيها الأسرار واصبرعليه شوي لاجيت وابديت تلقى عشوب مزهرات وياليت خوة نشاما تعجبك طيب واخيار يزين جوك وينبري كل مااخفيت حمد عبدالله الوايلي - حوطة سدير بيت الأسبوع كتبه للصفحة قبل مماته بأسبوع الشاعر عضيب بن رمال -رحمه الله - ويقول : ترى الرحم هو عمود الطيب راس المراجل وعنوانه نستقبل صدى هذا البيت خلال أربعة أيام من نشر البيت على إيميل الصفحة: [email protected]
