الموتر اللي عليه العفش مردومي مضهود بالحمل والسكه مغطيها خل السلامه جزء من فعلك اليومي وحافظ على أرواح خلق الله وداريها لو صار بنشر معك بانت بك أثلومي واقضب طريق السلامه واقتدي فيها عقلا خزن العنزي - تبوك يا من سرى من نجد والصبح بالدير سلّم على دار بها جبال خضرا في موترن قد حملوه المناعير حمله ثقيل يالله إنه يجرى قله ترى المصياف عندك على خير في ديرة طلعه عنب مع كثمرى الجو بارد والسما زينها عصير لاجاك ديمٍ بالجبل دوم يذرى عبدالكريم بن إبراهيم بن خزيم - البكيرية غلطان يا راع البليموث غلطان حملك ثقيل والمسافة طويله وش عاد لو تبغى القريات وعمان لا بد ما تراعي النظام وتعيله هذا الخطر يمشي مع الخط يا فلان يمشي ولا حتى الغرامة تجيله سعود بن سعد الحافي - الرياض يا راحلٍ عن دياره قلي على وين مسافر راحل عن أهل وحبايب تبغى السياحة بعيد كم فالسفر من متاعب أيضاً كثير المخاطر وكم فالسفر من خساير نصبٍ وسرقة رصيد إن كان قصدك طبيعه مفتون بحلو المناظر فهذي بلادي الحبيبه أمن وجمال فريد أبها البهية وبديعة خيال والجو ساحر ومكة وطيبة جواهر زرهن ودربك سديد ناصر بن جمعان آل عوض - وادي الدواسر عرّض حياته للخطر راعي الدوج وفوق الخطر يخالف احكام النظام ووقت دخولك بالمسار أو بالخروج وخفف السرعة ليا رفت السلام ولا تقول الخط متسع للدروج والعفش فوق السطح متراكم ركام سعود عائش التميمي الحربي - جدة كنه اللي مسافر والسفر ما فيه عوده ولا يبغى الرجوع وكنه اللي خذا الموجود بالديره وعاف أرضها فوق موتر بليموث من الثقل مهزوع ستة وستين موديله وعفشه عرضها تشكي السلة الشكوى وكفر وكوع تبي عمان والأسورية والسفر رضها جلعود بن لافي الشمري - حائل الله يستر على التكسي يوصل بحمله وركابه يابعد دار بها يمسي كم من بعيد تهقوابه ماخذ على الظل والتبسي ولا طلب فول بقلابه غنام مسعود القريني - نعام يا راعي الحملة ترى مانت مكلوف درب الخطر في فعلك اليوم تنصاه هذي فعولٍ تجلب الهم والخوف ولا حد على ماتفعل اليوم يرضاه يابن جبر قلّه ترى الدرب محفوف فيه المخاطر والمقرر تعداه محمد بن عبدالعزيز الخنيفر - أشيقر حمّل ثقال الحمل وجوّد الطاره سيرتك شكلها نادر ومعدومي لي جيت مع خط خله يثور غباره خلها كما طير عالي لاجا يحومي ريلها راح لكن خوش سياره تصبر ما هي مثل سياراتنا اليومي سلطان بن حمد ابوشقاف الحبابي - الطائف السايق اللي زود التحميله وسافر على تكسه عشان يعيّد ياخذ من الركاب من يوميله قريب ساكن زو يكون بعيد ظني يدور قيمة التفليله حتى يكمل ما نقص يا سيد فارس الثبيتي - الرياض الموتر اللي وجهته درب الأشوام مكتوب على اللوحة دمشق الحبيبه راعيه ما حسب لمقادير الأيام زاد الحموله عسى الدوريات تجيبه وحكم على ركابه بحكم الاعدام مصيبة يا كبرها من مصيبه خالد بن ناصر المخيمر - روضة سدير يا ليت المرور وأمن الطرق شافوا اللي شفت بالصوره العفش زوده ولا بالفرق فوق السيارة تقل كوره صورة تكرر شمال وشرق وعلي المسافر بها خطوره زبن مقبل العنزي - بريدة العفش زايد والمسافة بعيده راع الشفر من نجد سافر على الشام ما هوب مسرع كن مشيه يعيده ما به خراب بزايد الشيل منضام يا رب خيرك في وطنا تزيده ونصرك وعزك للعروبه والإسلام فهد بن عقيل الطويان - بريدة
