كان كاتب اللغز الماضي الشاعراحمد بن ناصر المحرج من الرياض ويقول: الا ياويش بنت مع ابوها صايرين اصحاب ابوها في قفاها وان بغت درب صعيب تجيه تدخش في صعيب الدرب هذي حالها ماتهاب وابوها وان بغى يسلك دروب البنت ماتواتيه تجيب البت له بنت وتطردهم بدون اسباب ابي رمعه تصيب اللغز في مقتل ولا تخطيه ولم يتوصل للحل شعرا من ثلاثة وسبعين حلا سوى : سلام الله على اللي كاتب لغزه يبي جواب أبو ناصر يجيب العلم والسداد ما يخطيه تراه الريشه اللي من وراه دريل يا الأحباب واللي يجي في دربها بالحفر دايم تثنيه علي رشيد الرشيد -رياض الخبراء انا قلت أن حل اللغز صعب شوى يالاصاحب انا برمعه رمعه صابته ولا بعد تخطيه انا قلت الدريل اللي قوى باسه ولا يهاب ترى الريشه هي البنت الصغيره دايما ترضيه سعد صنهات السهلي /الدرعيه هلا يا أحمد المحرج هلا خذ مني الجواب واشوف اللغز لا منه ورد من عندكم نغليه تراه دريل والريشه قدامه مثل لون الناب تفيد الفني اللي يشتغل بها وهي تغنيه طلال الرشيد -الجبيل وحله ريشه ودريل أبوها يفتحون الباب وعود من وراها يدفها لين انها ترضيه ترى لاصار فرقا بينهم ما فكوا الأنشاب عسى الرمعه تصيب الحل يا المحرج ولا تخطيه محمد ابو دحيم -البدائع لغز الاسبوع يكتبه للصفحة الشاعر سعد صنهات السهلي من الدرعية ويقول : انا بنشدك عن عذراء تراهاخير من رجال ترى ماقلتها الله عالم الاسرار قايلها تراها تنفع اللي في حياته منتبه مامال الا ياعزتي للي على ماقيل يجهلها ترى فيها مثل هذاء المثل دايم ترى ينقال انا وضحت لغزي بس حلل يامحللها نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
