كامل الحليلي مرحبا بالصاحب اللي صحبته هرجة مقفي لوسمعنا شي منها ماسمعنا شي منها العياضي شهر متبين وشهرين امتخفي طلته فيها كلام وغيبته منشود عنها معتق العياضي البقاء بالصاحب اللي مانقص من جمع صفي صفي الله يحفظه يامر على كامل وينهى العياضي لاوقف في حزة الواجب يكفي وإن تغيب ينفقد وأهل الوطن تحمي وطنها كامل الحليلي لا تكابر وانت لابس لك عباة ماتدفي انتبه قبل الريا والغطرسة تدفع ثمنها الهواوية خفيفة عقل وانته مستخفي صرت تلعنها الفجر والعصر تلعن من لعنها معتق العياضي أحمد الله وأشكره في هالزمن حصلت شفي يوم كامل جرته جاها الهواء العصر ودفنها المطيه ماعليها والرسن في وسط كفي والحليلي محتديه ولا قدر يقضب رسنها كامل الحليلي يازمان العوملة خليت معتق مايطفي انفتن باللي توفى جوزها واقفى زمنها هرجة الورع الغرير تهيض العود المصفي يالله ارحم دارنا اللي شامها يطرب يمنها معتق العياضي أنت لو مشوك حافي لازم رجولك تحفي المنايا تحتضن كامل ولو مايحتضنها والمصفي يمكن ينقّص كلامه مايوفي والذبيحة ماأحدٍ يقصر يديّه عن صحنها كامل الحليلي اختكم حوى رجاوية لها رمش يرفي وانت تنظر يمها بالعين وتباري ضعنها يابحور الخير فيضي يابحور الشر جفي الرهينة لا تعود ترهن اللي يرتهنها معتق العياضي إختنا هي إختكم وإجمع ملفك مع ملفي إعتزت في معتق الحربي ومعتق ماغبنها ياعيون الخير شوفي ياعيون الشر غفي بارك الله فالمسوح اللي رويتوا من لبنها
