المراسلات بين الشعراء كثيرة.. نختار هاتين القصيدتين المتبادلتين بين شاعرين كبيرين هما الشاعر مزيد بن حسن السريحي المطيري رحمه الله والشاعر صحن بن قويعان المطيري.. قصيدة الشاعر مزيد السريحي عندما تقدم به السن يقول فيها: يا صحن رجلي مثلك يوجعني ولا لقيت اعلاجهن عند المداوي الركب يا بن قويعان اذبحني تقل يزويهن ليا جاء الليل زاوي يا صحن في قومتي ماساعدني وان بغيت اقوم ما قمت امتساوي ان قعدت وقمت دايم بس اوني وان بغيت الدرب عنه الحيل ثاوي والعصاء لا شلتها ماهي بفني العصاء تخر على السمعه بلاوي وغير هذا يا صحن بالك تظني كل شيٍ زين ياريف الفداوي وكل وجهٍ حسن قلبي له يحني ما تردت يا صحن عنه الهقاوي وانت اظن القلب عندك مرجهني يم ذيك.. وذيك ما والله تراوي لو يجيك الزين بالبيت امتعني يا صحن صديت عن دربه خلاوي ولو لياليك القديمه يرجعني يوم لقي الدلو وايام الرواوي ما هاقيت انك بغاراتك تشني يا صحن ما عاد للغاره اتناوي منكف وخالص ورد العلم عني عقب ما تطلع مطاليع النداوي فقد أجابه الشاعر صحن بن قويعان بهذه القصيدة: مرحبا حي البيوت اللي لفني يوم جني منك يا زبن الجلاوي ازعلني يوم جني وافرحني يوم قلت انك عن الزينات ثاوي ودي انك ما تنومس وتغبني استرح يا ذيب عن ظين الشواوي سو مثلي يوم شفت وعفت كني ما ركضت بدربهن سارح وضاوي كد كوني يالسريحي واتعبني وعالجني لين طابن المكاوي وازعلن غيري وأنا لرضاي جني يوم أنا في طردهن شره وشقاوي ويوم كثر الشيب فيه وانكرني ما قصدت وقلت أنا معهن مهاوي صفتي فاتت وذلي فاختني ورحت عنهن تارك كل الدعاوي والردا يا بو صعب ما هو بمني السنين الجرد ما ترحم وتاوي عادت الدنيا بلذتها تمني يغتنى الفقري ويحتاج الغناوي يوم هجني عن هواهن ما انكفني انكفوا قبلي عطيبين الاهاوي وانت عندي وقم سنك حول سني وشايف عيبي وعن عيبك عماوي العصب من طول الأيام متثني ما شكيته لين طبيت الحراوي والسنين اللي مضن ما يرجعني من بغى ترجيعت اللي فات غاوي اترك المقفي ترى طرده يعني ما رحيل العام واليوم امتخاوي وإلى اللقاء مع مراسلات أخرى..
