مسة حبال مهاوزات الاظله طس السبيل من اصفر اللون طسه الشاوري يجلي عن القلب عله من كيس قرم ضاري ما يدسه تلقاه مجدوع على جال دله لو عندنا من غيب الايام رسه الآدمي مصلوح نفسه يدله لا شفت ضول الناس بالك تعسه وان جنبك شر المخاليق خله يا الله يا اللي كل درب تجسه عقد البلش غير انت ما احد يحله تفرج لمن مثلي زمانه يرسه عليه من قرب الرفاقه حمله البوم يغرس والاسد صار بسه تغيرت دنياك يا فاطن له سبع الخلا جاب الضواري بحسه والصلح من فرقا الغنم ما حصل له ثنيت دون اللي خصيمه ينسه سيفي لمن داور دخيلي نسله لا صار عن خصمك سلاحك تدسه ما ينقعد لك في حصون المذله محمد بن مهلهل الشعلان
