يا راع الطير خل الطير في وكره=لا تقشع البرقع اللي للهدد باقي في هدة الطير لا تفرح ولا تكره=وانا لحب أشقر الجنحان مشتاقي اعلم عن اليوم ما أعلم ما يجي بكره=والله يفرج ويبهج صدر من ضاقي الوقت ماكر وكل ذاق من مكره=ياكثر ماذقت من لوعات عشاقي الرجل يشكر ليا طال وضفى شكره=يربح به السوق عند إفلاس الأسواقي للعشق نشوه غرام وللهوى سكره=والله ماادري متى جمعاي وفراقي يطوي بي البعد طوي الخيط بالمكره=اليا متى تطوي البيدا على ساقي ياسر... ترى للكرم واهل الكرم حكره=يفوح فيها الدسم وتفوح الأرزاقي الصدى: ياسر التويجري الشعر فكره ياراعي الشعر والفكره=يالشاعر اللي مع الشعار عملاقي سوق المعاني تملكته ومحتكره=بالفعل ماهي شهايد بيض الأوراقي أوّله ماجيب قبلك وانت مبتكره=واشوف كنك على تاليه توّاقي ياعاشق الطير حب الطير من ذكره=لاصار كفه شطير وريشه دقاقي ماكره في نجد ما مارابه الهكره=ولاشراه الردّي وباعه iiعراقي على غزال الشداد اللي على البكره=اورّد نياقهم واصدّر نياقي احب راس الظفر وآطى على العكره=والأمة أخلاق وأنا هذي أخلاقي للوقت وقفه حساب وللزمن نكره=والله يصبر من أفارق على فراقي
