توفي مواطن واصيب اثنين إصابة حرجة مساء أمس الجمعة على طريق الملك عبد العزيز مع تقاطع رواق جنوب مدينة بريدة. وفي التفاصيل حسب إفادة شهود عيان عند قطع الإشارة لصاحب الكابريس الذي كان خارج من حي السالمية رواق باتجاه الشرق وقدوم صاحب الكامري من الشمال باتجاه الجنوب وكانت الإشارة مضيئة للكامري وهو يسير بسرعة جنونية وقع الحادث الذي فارق على إثره الحياة قائد الكابرس ونقل مرافقه وقائد الكامري متأثرين بجروح خطيرة وحالتهم حرجة. باشر الحادث فرق من الهلال الأحمر والمرور وإسعاف الدفاع المدني . إضغط على الصورة لمشاهدة الحجم الكامل لا حول ولا قوة الا بلله سرعة جنونية وقت الأفطار يا سااااااااتر الكامري ورق غريبة توفي صاحب الكابرس الله يرحمه ويصبر اهاليهم الله يرحم المتوفي ويشفي المصاب وارجو من الأخوة عدم قطع الإشارة بأي حال من الأحوال خالد العدل اول من باشر الحادث الدوريات الامنيه والهلال الأحمر وبنص ساعة حضر المرور لاحول ولا قوة الا بالله الله يرحمة ويغفر له لاحول ولا قوة الا بالله الله يرحم الميت ويغفر الله ويشفي من اصاب هاذي نهايه السرعة وقطع الاشاره انا لله وانا اليه راجعون الله يرحمه ويصبر اهله ويشفى المصاب لاحول ولا قوة الا بالله الله يرحم الاموات ويشفي المصابين قطع الاشارة اقرب ما يكون انتحار والله اعلم نسئل الهداية للجميع والحظيظ من اتعض بغيره الله يرحم من مات ويشفي المصاب , لاحظت إن الكابريس إنعدمت !! والكامري ماجاه شي , هل أنا في حلم ؟ ياربيه بس لا حول ولا قوة الا بالله الله يرحم الميت ويعافي المصاب ودي افهم ليش العجله ليش ليش ليش ليش ليش وحبيبنا محمد صلى الله عليه وسلم امر اللي يروح للمسجد انه يمشي بسكينه فكيف عاد الواحد يسرع علشان يفطر مع اهله او اصحابه طيب وبعدين والحمدلله بعض التطوعين الله يجزاهم خير يقفون عند الاشارات يفطرون الناس مايبونهم يسرعون ومع ذلك نلقى السرعه ونلقى الحوادث وه بس ياربي تحفظ شباب المسلمين كلهم ياخوتي ارفقو ارفقو ارفقو تكفون والله يرحم والديكم شوي شوي وش عجلين عليه سبحان الله هالشاب يركض ويركض بهالدنيا والموت ينتظره بذيك الساعه وبذاك المكان ياربي ترحمه وتغفر له وتصبر اهله ياقلبي وتعافي هاللي مصابين وتكشض ضرهم عاجلا يارب يااخواني ياخواني ياعيالي تكفون ارفقو حتى اذا شفت الاشاره خضراء لا تسرع عليك بالسكينه وش لاحقين عليه اولاه دنيا تضيق الصدر رزقك اللي كاتبه ربي لك مهب رايح واهلك مو طايرين للسماء واصحابك بالاستراحه خلهم ينطقون متى ماجيت ليه الجنون ليه الجنون ليه الجنون والسرعه اللي قسم بالله مثل الانتحار ماتخافون الله ماترحمون امهاتكم وخواتكم شوفو هاللي مات راح الله يرحمه كلها من هالسرعه قضاء وقدر اكيد لكن الواحد يفعل الاسباب مايسرع ارجع واقول اخواني الله يخليكم لا تسرعووووووووووووووووووووووووووون الله يحفظكم الله يرحمه ويشفي المصابين انا لله وانا اليه راجعون نصيحه للجميع لاتسرعون علشان تلحقون الفطور او السحور لانك لن تذوق الا ما كتب الله لك إنا لله وإنا إليه راجعون . الله يرحم المتوفي ويشفي المصابين قطع الأشاره اوتسرع تحاول تلحق على الاشاره وهي باللون البرتقالي واللي بالجهه المقابله يراقب الثواني اللي بالاشاره واذا تبقى ثلاث او اربع ثواني طلع هناالكارثه!! الله يرحم المتوفي ويشفي المصابين انا لله وانا اليه راجعون ياخي المفروض فيه كمرات ثابته لساهر عند الاشارات لتجبر الناس على التهدئة بس انا اعرفهم يقولون يحفظها الناس ولانستفيد يعنى المقصود من ساهر ليست سلامة المواطن بل لجبايته رساله عاجله الى مدير مرور القصييم نرجوا منك معاقبه غرفه العمليات الذين يردون على الناس بمقوله ( افطر ياصايم) عند التبليغ عن مخالفات ياليت يتم التركيز على الاشارات الثلاثيه بشارع التغيره .. اليوم 5 سيارات قاطعه الاشاره متجهات للخبيب وكانت الاشاره فاتحه لي ولعده سيارات الي قدامي بغوا يصدمون والسبب غياب المرور .. ما ادري قطع الاشارات صار موضه في رمضان ؟؟ لايكون الاخ صايم اكثر منا؟؟ الله يرحمهم. .... اطالب الجهات المسؤله بوضع نظام ساهر بكل مكان بمدينة يريده حيث انها مدينة السرعه والتهور اااااطالب بوضع كاميرات ساهر بكل زاوية وكل اشاره وكل حجر احد يعرف الى توفى انا من سكان السالمية بس طالع منها الحين الهم اجبر مصيبتهم ==ياجماعه اذا كان الواحد بعيد عن البيت وقت الاذان حتى لو اخذ قارورة ماء وشربهاوهو يمشي ادت الغرض ولايعرض نفسه والاخرين للخطر ترا العمر غالي صباح الخير--الله يرحمة رحمة واسعة ويصبر ذوية ويشفي المصابين==== اما قطع الاشارة جريمة نرجو من المرور وضع حد لقطع الاشارة وكذالك غرامة مالية 5000الف ريالا وشجن لصاحب السيارات التي تقطع الاشارة ==وكذالك وين دور ساهر -----نرجو من قائد المركبات عدم التهور بسرعة وقت الافطار====والله يحفظكم الركادة زينة الله يرحمهم ويرحمنا برحمته هذي نهاية السرعه والمهايط شكل راعي الكامري طاير 160 عشان كذا اكلها راعي الكابريس في الباب انا متأكد ان الصدمه هذي لو وجه بوجه الكامري دركسونها بيوصل للركاب الخلفي ولو الصدمه هذي العكس الكامري راح تشوف بيبانه اليمين ملتحمه مع اليسار لا حول ولا قوة الا بالله بعض التعليقات اهلها رايقيين والموقف يرفضها واحد مات الله يرحمه واثنين مصابين اصابة حرجة الله يشفيهم والناس مفجوعه وبعض التعليقات تحلل الكامري اقوى والا الكابريس ياناس خافوا الله ولينوا قلوبكم ادعولهم وواسوهم او انصحوا الشباب او قولوا: الحمد لله الذي عافانا مما ابتلاكم به وفضلنا على كثيرا من خلقه تفضيلا. الله يرحم المتوفي ويشفي المصابين وارجو من الجميع عدمالسرعه وقطع الإشارة بأي حال من الأحوال ذكر لي احدالاخوان انه حضر الحادث وان صاحب الكابرس فاقد الوعي وحاول ايقاظه واعطائه تنفس صناعي والضغط على الصدر لكنه لم يستطع. والمرافق بالكابرس كان ابنه وعمره تقريبن عشر سنوات يبكي ويقول ابوي ابوي وكانت ايده منكسره يقول اخونا كان موقف رهيب مادري اشيل الولد او انعش الاب . فياخواني الرجاء عدم السرعه والانتبه عند التقاطعات خاصة عند الاشارات فان كنت سواق قد تبلا بمتهور فحذاري حذاري حتى لايكون لكم مثل المواقف هذي او اشد اللهم ارحم المتوفى واشفي المصابين اللهم آمين قدر الله وما شاء فعل ... عادي تفطر با الطريق مهب لازم تطيرون على شان التمر خلووه جنبك اذا اذن كل منه بالسياره والله عندنا حركات غريبه تقل مهابيل ما غير مطاير ..... ترى كل ها السرعه وتلقا يفرق دقيقه ولا دقيقتين.... تفنن في وضع الخبر ... اتمنى من عآجل عدم وضع مثل هآذه الآخبآر ...... وووووين اللي يقولون وقفوا ساهر مانبي كاميرات خل مخالفة السرعة مثل راعي الكابرس وربعه الف ريال ارواح تزهق عوايل تيتم زوجات ترمل بسبب استهتار ورعونة بعض السائقين الكابرس او غيره لوكان فيه كاميرا عند الاشارة وقطعها بألف ريال والله يقفون قبل الاشارة بمتر الله يرحم الميتين ويبيحهم ويشافي ويعافي المصابين "القصيم معروفه بتهور القيادة لدى شبابها" يجب على اميرها الضرب بيد من حديد على هؤلاء لحماية الامنين والزائرين من شرهم وامتهانهم الشوارع لتطبيق كل ماتتشبع به عقولهم من افلام التحدي والسباق والتفحيط والتقليد هي سياسية ونظام باقي ثواني وتسكر ادعس امغط يطلع عليك واحد لف وقربع بهندي وسيكله بأشارة فوق رصيف بنخلة بسيارات واقفه وبرضوا تلفيات خفيفة ريوس وحط رجلك بلغ المرور خذنا اللوحة المرور ماعندك احد وهذا بس بالمملكة يعني اللي يصدمك وينحاش لازم تطرد وراه عشان تأخذ حقك ولابيضيع حقك الله يرحمه ويسكنه فسيح جناته وجميع موتى المسلمين يارب وتشفي جميع المريضين يارب تهدينا انا اشكرك من كل قلبي حنونه على كلامك الواقعي الله يجزاك خير ويكثر من امثالك السراحه والله اقنعتيني بكلامك كثير والله انا قبل اقل شيء امشي ونا رايح للكليه 180 ومع ذلك امي الله يخليها لي كل ماجيت ارح للكليه ياوليدي لا تسرع بس غصب علي اسرع لأن الكليه تبعد عني 35 كيلو تقريبا وتعبت كثير من ساهر والسبب سرعتي انا اللي اودي كل اخواني لمارسهم والدكاتره في كليتنا مايقدرون ابد حتى لو تغيب بعذر وتكون مريق في المستشفى والله مايقبلونه واسم كليتي كليه التقنيه في بريدة والله على مااقوله شيد اني انحرمت من ماده ثقافه الاسلاميه بسبب تأخري دقيقتين بس الدكتور حبيب ازين مافيه يطبق على كل الطلاب والسبب العميد الله يسامحك حتى كل الكليه غبار ارحمونا ياناس ياليت بس واحد يدخل جوه الكليه ويشوفها مع تحيات اخوكم: ابو محمد وياك اخوي عنيزاوي صكن راسي يوم تقول كنت امشي 180 والله حرام عليك تخيل الله يحفظك وكل شباب المسلمين لو ان حدى الكفرات انفقع عليك بالله كلي وش راح يصير مصيرك تموت ولا تنشل شلل كامل تحسر بهالدنيا وتعذب اهلك بسم الله عليك الله يحفظك وكل مسلم لو تبكر بروحتك للكليه كان تمشي بسكينه ولا عاد تسرع حفظ الله شباب المسلمين من كل مكروه
