لاتساليني ويش سوى الزمن في شوفي الاجابه قبل ينطق لساني ولاتجرحيني فوق جرح الزمن لي ماشفت يكفي من مآسي زماني واللي من الما جاعلٍ كلْ اشيّ حيّ انه يفوق الوصف حزنٍ غشاني لو شال ماشالت متوني جبل طي والله ليصبح صفصفاً بلقعاني أساهر نْجوم السما لفجة الضيّ من لاهبٍ من حلو نومي جفاني ماشاب راسي معه أنا شابت إصبيّ عينيّ مماشاهدنّه عياني من المآسي شفت أنا شي واشوي من وقت اللي دون غيري ابتلاني غدر وجحود وظلم وخْيانه وغيّ حسبي على وقتٍ لشرواي خاني أصبحت بين أنياب الايام وارحيّ وقتٍ طحن نهجه عظيم الاماني تنكرو في كربتي من حواليّ ومن لانسيته اول اللي نساني لو آتظاهر بالهنا بيّن الكيّ ومن شاف حالي في حياتي رثاني الصق على شفاي ابتسامه واخفيّ مابي ولا يفرح حقودٍ هداني ودي أطير وأكسر قيود رجليّ عن عالم ٍ مابه لمثلي أماني هذا وكل اللي ذكرته بعض شيّ والخافي أعظم خلف حدب المحاني عوض سلامه العنزي