كتب بيت الأسبوع الماضي محرر الزاوية حول القرار الشجاع من حكومة خادم الحرمين الشريفين الملك سلمان بن عبدالعزيز وولي عهده الأمير محمد بن سلمان - حفظهما الله - وذلك في اقتصار الحج على حجاج الداخل من المواطنين والمقيمين كإجراء احترازي سديد. والبيت يقول: لاجل السلامه حكومتنا توجهنا والحج ملحوق والله يكتب الخيره وكان هذا الصدى للبيت:كل اهتمام الحكومة لأجل تنبهنا نفخر بهم والقرار وحسن تدبيره مع التحرز عرفنا العلم ما تهنا كل توصل على المقصود تقديره العدد محدود والخدمة تواجهنا في حسن ترتيب والمقصود تطويره علي الرشيد - رياض الخبراء منْ حقّنا نفْتخِرْ بأمْجادِ دوْلَتْنا وِنْبَاهِيِ بْموطنٍ قدْرهْ علا غيره للّهِ درّكْ وطنْ يسعى لرفْعتْنا منْ عهدِ عبدالعزيزِ نْعيشِ في خيره في ظلّ حكمةْ ولاةِ الأمرِ قادتْنا نعم السلالهْ كرام الأصلِ والسّيره أخْذَوْ قرارٍ حكيمٍ لجْل صحّتْنا خَشْيَةْ وبَا ينْتِشِرْ بالنّاسِ تأثيره ناصر جمعان آل عوض - وادي الدواسر حنا نطيع الأوامر كل ماجتنا والخير مقبل نبشر في تباشيره ولاة أمرنا قلت تسهر لاجل راحتنا الله يطول عمر سلمان ويجيره والله ما فيه دوله مثل دولتنا وشكري لوزيرن يبشر في تقاريره أهم حاجه علينا صح صحتنا مع الأمن والأمان ولا نبي غيره سعد صنهات السهلي - الدرعية درء الضرر فيه شرعتنا توجهنا والمملكه تنطلق من هذي السيره وقرار واضح وفسر ثم نبهنا تقض السلامه قراراتٍ بها خيره وقرار حج السنه الكل به يهنا فيه الأمن والسلامه في تدابيره وما دام به واضحه سكة سلامتنا نحج بالمقبلات ومنه تيسيره سعود عائش التميمي الحربي - جدة قرار حكيم فيه ومنه الخير لامتنا منهاج الاجداد مع طيب السيرة الملك عبدالعزيز وأنجاله قادتنا في ظلهم عّم الأمان في كل ديره منا الولاء مضمون لقايد مسيرتنا حبيب الشعب مقدر الجار والجيرة صالح محمد محارب البشري - الرياض الحمد لله ورب الكون سلمنا وما يكتب الرب نمشي في تدابيره من يوم جتنا كورونا به تكدرنا من صاب هذا المرض ضاعت تفاكيره الحج قصره هو المطلوب مقصدنا وترى السلامه أملنا ولا بها غيره ريان بن محمد الخنيفر - أشيقر دام الأمر في يديهم ما توهمنا حكامنا اللي معاهم عدل والسيره هم قدوة الدين والإسلام علمنا السمع والطاعه ثم ن نحسن الجيره والحرص واجب علينا لا تكلمنا ترى المرض شين ثم ن يبعث الحيره وما همنا من يضلل أو يدهولنا نمشي مع الحق وخله نافخ كيره حمد عبدالله الوايلي - حوطة سدير قائد وطنا على أمره وقت يأمرنا ياما سعى لاجلنا ولاهمنا غيره القصد واضح ويسعى لاجل راحتنا أبوفهد مع محمد طيب السيره مواطن ومقيم قال راحتهم سعادتنا وكل من مشى بالطيب ينال تقديره محمد بن عبدالعزيز الخنيفر - أشيقر يا حى فاله حكومتنا تنبهنا ترى السلامه مطلبها ولا غيره جهود الصحه مشكوره تعالجنا من الامراض وتحذر من ماخطيره من حج يلبس كمامه ويسعدنا تعاونهم ويالله بالخير والخيره خليف فهيد الحربي - الرياض