المسجد اللي وقت الأجداد موجود والمسلم اللي داخله يطلب الخير يتلو كتاب الله لعل أجره يزود ولّم اسراجه لو يجي بعض تغيير الله يجعل للمساجد صدى احضور وتفرج الغمّة على خير تدبير على الرشيد - رياض الخبراء رغم العوامل ثابتٍ مسجد الطين يصلون فيه الناس فرد وجماعات يا كم إمامٍ فيه أمّ المصلين جيلٍ بثر جيلٍ يجونه لطاعات ومن شوفة المصحف اظنه بياسين يبي يختمه في الليالي الأخيرات واحتاط بسراج يولع على العين والمروحة في السقف تصنيعها تات سعود عبدالعزيز الهزاع - نعام في مسجد الطّينِ كمْ صلّيتِ فرْضُ وْنَفِل مَعْ جيلِ يحْرِص بِبِيتَ الله يقيم الصلاه سقفهْ جرِيدٍ مصفّفْ مَعْ جذوعِ الأَثِل مابِهْ مكيّفْ وِمِنْ طينِ وْلِبِنْ مبْتَنَاه رتّلْتِ فيهِ الكتاب وْدمْعِ عيني يِهِل منْ خشْيةِ الواحدِ اللي ماخسر منْ رجاه واليوم ما أحلى المساجد بالفَرِشْ والشّكِل امهيّأتٍ لمنْ يسْرِعْ لِرّبٍّ دعاه ناصر جمعان آل عوض - وادي الدواسر منظر يعجبك وبالمعنى حسين كم يذكر بالعصور الماضيات مسجد الاجداد في ذيك السنين الرجال أهل العلوم الوافيات في كتاب الله نشوف المخلصين ذي طبوع أهل السلوم الطيبات محمد عبدالعزيز الخنيفر - أشيقر عظّم كتاب الله ويقرأ في خشوع في مسجد التاريخ مبني من قديم من اللبن والطين والخشعه ركوع وباقي على حله وفي مشهد سليم وحتى سراجه واضحٍ ماهو شموع يشهد له المجد العريق اللي عظيم البيت بيت الله والمسلم خضوع ويا رب ترحمنا ترى الموقف أليم حمد عبدالله الوايلي - حوطة سدير دين وتقى ومخافة الله وإيمان وطاعة ولي الكون في كل حزّه صوره تهزّ الروح سراج وقرآن وخشوع للمولى عسى الله يعزّه يقرأ كتاب الله بترتيل وإتقان وكم واحدٍ غيره إبليسه يوزّه الله يعزّ الدين في كل الأزمان وهذا الوطن ما كل ريحٍ يهزّه خالد ناصر المخيمر - روضة سدير في بيت ربّي كم يذكر بالاجداد الله أكبر يا حلو ذيك الأزمان ياما به الخيرات والأجر يزداد فيه المحبّه.. والسعاده ..وقرآن هذي رساله وصلوها للاحفاد الكل يعرف من به الطيب عنوان ريان محمد الخنيفر نحب بمشاركاتكم الشِّعرية وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد السابق