الله حبانا بالملوك أهل الوفا والمكرمات وأهل التواريخ المجيدة ثابتينٍ مؤمنيين *** والله عطانا حاجةٍ يوم الدول صارت رُفات اللُحمة اللي تمتسك بالدين دون المغرضين *** يادولة المجد العلي ، مهما كتب فيك الثقات انتي شموخ اليعربي وانتي ملاذ الخائفين *** انتي أمان الخايف اللي ماعرف جفنه يبات ياقبلة الدين الحنيف ومنبع الوحي المبين *** يادولتي يافخرنا .. ياعزّنا وأصل الثبات أرواحنا بنزفّها لحْماك دون الغاشمين *** حنا جُبلنا عالوفى يوم الدول متنكسات ماننكث الميثاق والبيعه .. ولأمرك منثنين *** ياخادم البيتين شعبك ماتهمّه مغريات الهم كله سيدي بالفوز بإحدى الحسنيين *** اضرب بنا موج البحر وإلا ظهور العاديات حنّا جنودك سيدي ، نقطع عروق المرجفين *** ذي قبلة الاسلام نحميها ، ودربك يالممات درب المعزه والنقا ذروة سنام المسلمين *** ذا عهد سلمان الحزم راعي الظفر والمنجزات حتّى الدول واللي حكمها في رضانا سايرين *** فالحمد لله الذي بأمره تتم الصالحات واستغفر الله عد ماصفّت صفوف الصالحين *** حسن بن حلوه