القلب دامي والمشاعر حزينه للدمع من عين المفارق هماليل مات العديم وكلنا فاقدينه عزالله انهم يفقدون المشاكيل عبدالله النادر سليم الظغينه مظلة المظلوم عن ضكة الحيل ينبوع خيرماتغايض معينه يروي بها كبودالعطاشا المغاليل ما مات من خلف حرار ثمينه قال المثل مامات مرث رجاجيل الخير فيهم والروابع سمينه متسلسلين من زحول حلاحيل لكن عزانا وكلكم خابرينه سلمان سلمان السعد وافي الكيل صاحب قرارات العقول الفطينه عند اختلاف الراي رايه دواليل من تجربة ياجعل تبطي سنينه ويعينه الله في الليالي المقابيل مقرن ولي العهد متخيرينه عضد المليك معدل العسر والميل فيه الكرم والجود تندى يدينه على الضعوف المستحين المعاليل ومحمد النايف عسى الله يعينه امن البلد في ذمته يسهر الليل عين الوطن ترقد ولاساج عينه نوم الهنا يخشى علينا المداخيل مرحوم يارجل عطاه السفينه والحمل كايد والمراكب محاميل حسن فهد آل غوينم