وانا حالف باللي له الخلق سجاده يمين أصرفه ولا ساق به فراضي ما اخاوي ردي الطبع ما دام لي عاده ولو حاجتي عنده وجيبي غدى فاضي لو ان الزمن ميل على المطلق شداده يعيش الكفو صابر ولو وجهت راضي ولا جار وقته عدل الوقت سجاده ووجه على القبله بوجهه وهو واضي وناجى كريم الوجه في دمع وعباده يزين له القادم ويغفر له الماضي ترى خوة الوافي على الزود زواده ومعدن صليب الراس لا حاض لك حاضي ترى خوته تمنعك من هرج نقاده ولا جات لك حاجه على لازمك قاضي ترى مجلسه لو كان طنب مع اوتاده تلاقي عليه اقبال والطلح له لاضي وبعض العرب قصره يضمه مع اولاده ولا فاتح بابه ولا الفسل متغاضي هجوسي وهاضت والشعر فيه رواده ولا لاح نوض البارقه عاين الناضي #الشاعر: معيض بن مغدي العليي
