باسم بوابة المشرق وأهلها مرحبا مليون تراحيب بدهن العود اقدمها واثنيها طريب مزينه مثل العروس لشاعر مفتون وشاعرها صخر فيها البيوت اللي تحليها عساها كل عام بخير تحت البيرق المصيون تحت بيرق ملكنا حاكم الدوله وحاميها ابو متعب زعيم العُرب لا جاء في الضنون ضنون زعامات الدول ترفع يديها له وترخيها ابو متعب حكيم الراي لا هاز الصعيب يهون قضايا شايكه لا استصعبت بالفكر ينهيها ابو متعب ذرانا لا استوى الصاحي مع المجنون صميدع راس لا جات الخطيه ما يعديها وحنا له على رهن الاشاره سيدي ويمون نبيع نفوسنا من دون ابو متعب ونهديها يهيم بحب شعبه والشعب في حبه يهيمون قلوب مجنده بامر الولي سبحان واليها ولي العهد سلمان العضيد وسيفه المسنون عضيده لا كشفت سود الليالي عن بلاويها وزير للدفاع ودرع من دون الوطن مضمون تحت راية هل التوحيد ( واجبنا نحيها) ترفف راية التوحيد نور يكتسيه الكون يبدد خزبلات الماضي المظلم ويفنيها ومقرن حير عقول البشر في فكره الموزون سياسي حنكته دون الوطن تظهر مواريها عقول الغرب تدرس فكرته في منهج القانون تدرسها لطلاب السياسه في مباديها ملوك قادوا الامه على نهج النبي يمشون على حكم الشريعه ما هي احكام نسويها لهم منا ولاء صدق مهما صار مهما يكون نبايعهم على سنة محمد ما نخليها تلاحم شعب مع قاده وهذا للبد عربون وهذي وحدة الصف الحقيقي في معانيها أبا اعرج على ذكرى الحبيبه واظهر مدفون طريب بحبها متربعه في قلب مغليها عروس الشرق لبست من حلاها درها المكنون وتباهت بالحضور وغطرف بأجمل لياليها الا يا متعب المتعب مادام اهل البلد يحون امانه والامانه سلمت بيدين راعيها تقدم واتكل بالله وحنا بالمواقف عون ولا يمكن تلاقي واحد يهدم مبانيها الشاعر / مسفر بن حسين بن نومه
