دحين انتي من ساعة ما رجعتي من عند الجيران وانتي ماسكه الجوال ومافي الا طقطقه فيه حرام عليكي ارحمي نفسك.. ياسيدي طول بالك وابلع ريقك انا جالسه بشارك في المسابقات اللي بنشوفها في التلفزيون يمكن نفوز بسياره والا ب بيت بدل ما نقعد نستنى وعود وزارة الاسكان بس انت ادعي وقول يارب .. يارب ياخدك ويوديكي المدينه ويريحني منك ونا اقول ايشبها فاتورة جوالي مبالغها مرتفعه اترينك جالسه تشاركي في هادي المسابقات ونا ياغافل لك الله هاتي الجوال هاتي بلا اشارك في مسابقات بلا خرابيط هادي القنوات الفضائية بتضحك عليكي وعلى غيرك من الاوادم اللي بيصدقوهم هادي القنوات الفضائية بتضحك عليكي وعلى غيرك بدعاياتهم واعلاناتهم وانتوا بتصدقوهم شوفي واقري ده الخبر وانتي تعرفي انك انتي وغيرك عايشين في حلم ووهم ومو كسبان من الحكاية دي الا هادي القنوات الفضائية اللي نفضت جيوب الغلابا من الناس .. وفين ده الخبر ياسيدي اللي بتقول عليه ؟ أهوو قدام عيينك اللي حياكلها الدود شوفي واقري وخلي غيرك كمان يعرف شوفي ايش بيقول الخبر ارتفع عدد المشتركين في المسابقات التي تعرض على القنوات الفضائية الشهيرة الى 15 مليون اشتراك في البرنامج الواحد بما يقدر ب60 مليون ريال في المسابقة الواحدة عبر رسالة «sms» متكررة ب 5 ريالات للرسالة الواحدة أملا في الفوز بسيارة أو بيت أو مبلغ معيّن إلا أن الرابح واحد من بين المشاركين يوميا أو أسبوعيا حسب توجه إدارة المسابقة. وفي تقرير لاحدى شركات الاتصال المشغلة فإن عدد المشاركين في احد المسابقات المسائية الذي يعرض على احد اشهر القنوات الفضائية بلغ 7.452.103 مشترك بمبلغ إجمالي قدره 37.260.515 ريالا . وبدوره اكد المستشار في قطاع الاتصالات وتقنية المعلومات الدكتور ماجد السقاف ان متوسط عدد ما يتلقاه برنامج المسابقات الواحد يتراوح مابين 13 إلى 15 مليون اشتراك من ثلاث شركات مشغلة للاتصالات حسب شهرة القناة والبرنامج وباجمالي يتراوح مابين 50 إلى 60 مليون ريال تحصل من رسائل ال «sms» بمبلغ 5 ريالات للرسالة الواحدة في إشارة منه إلى ان 70 % من المشاركين يكررون المشاركة ويمثل غالبيتهم اصحاب الدخل المحدود . شوفتي وقريتي يعني زي ماقال عادل امام الحسابه بتحسب والساعه بخمسه جنيه وأهل العقول في راحه وعيشوا كتيييييير تشوفوا كتيييييير . @F_HALWAN
