الله يسامح غلاك اللي مضيعني ويسامح أشواقي اللي منت قابلها وش ذنبي أن كان قلبي مايطاوعني دخلك في صندقةت روحه وقفلها أقول له طيعني! ويقولي طعني! أقول ذا النار لا تدخل! ويدخلها لانام الناس قام يون و وجعني حبك! وأنا واللي متوهق ومتحصلها في كل ليله مع الأشواق يجمعني نسهر بطاريك لانسلو ولا نلها ياروح روحي حرام أنك تقاطعني غيبتك ياغلى البشر ماني متحملها خذني معك للنهايه لا ترجعني عيشني أحلى ليال العمر وأجملها وسمعني أحلى كلام الحب سمعني وخلنا نتذكر علاقتنا من أولها وسولف علي يابعد روحي وطالعني وخلني اسولف على عيونك واغازلها وشغلني بسحر نظراتك و ولعني ابنسى بها الكون والناس ومشاكلها واجمعني بدم شريانك و وزعني ابنتشر بالشرايين ومداهلها عشان لأمر في بالك توادعني تقطع عروقك وتقتلني وتقتلها ان ماذبحني غلاك الله يقطعني لو كنت تقسى على روحي وتزعلها لاجيت ابزعل عليك الشوق يمنعني ولا مع الناس لو ازعل احثلها يا اسما من الحب قلي الحب وش يعني عطني اجابتك فسرها وعللها وقلي شسوي إذا ان الشوق يدفعني اكتب رسايل من الجوال وارسلها كتبتها فيك وأنت الملهم المعني وغيرك تجيها العشاشيق تناقلها قصايد(ن )فيك من شوق(ن) ممزعني ولاحصلت غير صح لسان قايلها يمكن بها الأرض بكملها تتابعني إلا أنت ياللي تساوي الأرض بكملها أنا قبل لاعرفك والوقت لايعني ولله لو أنك تفارق تكملها لو تعتذر لي فبعدك منت مقنعني ولافيه داعي تقصرها وأطولها ان كنت بتروح روح ولا تقاطعني ياجعل من ميل الدعوى يعدلها ماهي خطاتك خطاة اللي ماطاوعني ولا أنا أدري بها نكبه من أولها فهد فريج الصعيري
